FÍ Fasteignafélag slhf. - Fyrirtækjafréttir

Skuldabréf FÍ Fasteignafélags slhf - Birting lýsingar

Útgefandi: FÍ Fasteignafélag slhf., kennitala: 571212-0210, Amtmannsstíg 1, 101
Reykjavík. 

FÍ Fasteignafélag hefur birt lýsingu sem samanstendur af samantekt dagsettri
18. september 2015, verðbréfalýsingu dagsettri 18. september 2015 og
útgefandalýsingu dagsettri 31. október 2014, og uppfærð er í 8. kafla
verðbréfalýsingar dagsettri 18. september 2015. Lýsingin er birt í tengslum við
umsókn um töku viðbótarútgáfu skuldabréfa í skuldabréfaflokknum FIF 13 01 til
viðskipta á Aðalmarkaði NASDAQ OMX Iceland hf. Lýsingin hefur verið staðfest af
Fjármálaeftirlitinu í samræmi við ákvæði laga um verðbréfaviðskipti nr.
108/2007. 

Lýsingin er gefin út á íslensku. Útprentuð eintök af lýsingunni má nálgast á
skrifstofu útgefanda að Amtmannsstíg 1, 101 Reykjavík í 12 mánuði frá
staðfestingu hennar. Rafræn eintök má nálgast á vefsíðu félagsins,
http://www.fifasteignir.is/fi-fasteignafelag-slhf.html 

Nafnverð útgáfu

Útgefandi hefur safnað áskriftarloforðum frá fjárfestum fyrir 9.925.000.000
íslenskra króna í samræmi við ákvæði samþykkta og skilmála félagsins. Á
grundvelli fyrrgreindra áskriftarloforða skuldbinda fjárfestar sig til þess að
fjárfesta í i) hlutabréfum og ii) skuldabréfum útgefnum af útgefanda. Útgefanda
mun þannig vera heimil útgáfa skuldabréfa á grundvelli áskriftarloforðanna
fyrir allt að 7.940.000.000 íslenskra króna að nafnvirði. Áður hafa verið gefin
út 4.023.569.700 kr. að nafnvirði og viðbótarútgáfa nú er 1.317.286.343 kr. að
nafnvirði. Heildarfjárhæð nýttrar heimildar er því 5.340.856.043 íslenskra
króna. 

Áætluð taka skuldabréfanna til viðskipta á Aðalmarkaði NASDAQ OMX Iceland hf.

Sótt hefur verið um töku bréfanna til viðskipta samhliða útgáfu þeirra.

Skilmálar skuldabréfanna

Skuldabréfin eru verðtryggð með vísitölu neysluverðs og bera fasta 5,0% vexti.
Vextir greiðast fjórum sinnum á ári, 1. febrúar, 1. maí, 1. ágúst og 1.
nóvember, af verðtryggðum höfuðstól, en höfuðstóll greiðist á lokagjalddaga
þann 1. ágúst 2028. Útgáfudagur bréfanna var 20. júlí 2013. Fyrsti
greiðsludagur vaxta var 1. ágúst 2014. 

Auðkenni skuldabréfaflokksins

Auðkenni skuldabréfaflokksins í viðskiptakerfi NASDAQ OMX Iceland hf. er FIF 13
01, ISIN númer bréfanna er IS IS0000022770. Skuldabréfin eru gefin út rafrænt
hjá Verðbréfaskráningu Íslands hf. í 1. kr. nafnverðseiningum.