Vátryggingafélag Íslands hf. - Innherjaupplýsingar

VÍS: Afkomuviðvörun – Góð afkoma af vátryggingarekstri á öðrum ársfjórðungi

Samkvæmt drögum að samstæðuárshlutareikningi VÍS fyrir fyrri árshelming 2017 liggur fyrir að verulegur viðsnúningur var í afkomu af vátryggingarekstri á öðrum ársfjórðungi 2017.  Ástæða er til að upplýsa markaðinn, þar sem um er að ræða afgerandi frávik.  Drögin sýna að samsett hlutfall á öðrum ársfjórðungi er 84,4%, samanborið við 107,2% á fyrsta ársfjórðungi ársins.  Fjórðungurinn var óvenju tjónaléttur, það á einnig við um ökutækjatryggingar en afkoma af þeim er þó  enn óviðunandi.  Ávallt má búast við sveiflum í vátryggingarekstri og er varhugavert að draga of víðtækar ályktanir af afkomu eins ársfjórðungs. 

Samsett hlutfall á fyrri árshelmingi 2017 er samkvæmt framangreindu 95,4%.  Horfur eru á að samsett hlutfall ársins 2017 verði á bilinu 97%- 99%.

Drögin gera ráð fyrir að hagnaður samstæðu VÍS fyrir skatta á fyrri árshelmingi 2017 verði um 1,1 ma.kr. fyrir utan hlutdeild í afkomu hlutdeildarfélagsins Kviku banka á öðrum ársfjórðungi 2017, þar sem upplýsingar um afkomu bankans á tímabilinu liggja ekki fyrir.  Afkoma Kviku banka getur haft áhrif á endanlega rekstrarniðurstöðu tímabilsins.

Sá fyrirvari er einnig gerður að ekki liggur fyrir endanlegur samstæðuárshlutareikningur félagsins fyrir fyrri árshelming 2017 og þá á enn fremur eftir að kanna samstæðuárshlutareikninginn.

Birting rekstrarniðurstöðu annars ársfjórðungs og fyrri árshelmings 2017 fer fram eftir lokun markaða fimmtudaginn 24. ágúst n.k.

Nánari upplýsingar veitir Guðný Helga Herbertsdóttir í síma 660-5191 og gegnum netfangið fjarfestatengsl@vis.is