|
|||
2014-08-27 17:23:53 CEST 2014-08-27 17:24:53 CEST REGULATED INFORMATION HB Grandi hf. - FyrirtækjafréttirHB Grandi - Nýir samningar um viðskiptavakt við Arion banka hf. og Íslandsbanka hf.HB Grandi hf. hefur gert nýjan samning við Arion banka hf. um viðskiptavakt sem er endurnýjun á fyrri samningi frá apríl 2014. Samningurinn mælir fyrir um að Arion banki annist viðskiptavakt fyrir eigin reikning gegn þóknun frá félaginu. Bankinn mun samkvæmt samningnum setja fram kaup- og sölutilboð alla viðskiptadaga í viðskiptakerfi NASDAQ OMX Iceland hf. Skal fjárhæð hvers tilboðs að lágmarki vera kr. 1.000.000 að nafnvirði en Arion banki ákveður gengi hluta í hvert skipti. Munur kaup- og söluverðs skal vera að hámarki 1,5% og breyting frá síðasta verði skal ekki vera meira en 3,0%. Hámarksfjárhæð heildarviðskipta dag hvern sem Arion banki er skuldbundinn til að kaupa eða selja í sjálfvirkri pörun skal vera kr. 5.000.000,- að nafnvirði. Samningurinn er ótímabundinn en er uppsegjanlegur að beggja hálfu með 30 daga fyrirvara eða eftir samkomulagi hverju sinni. Þá hefur félagið gert samning við Íslandsbanka um viðskiptavakt sem mælir fyrir um að Íslandsbanki annist viðskiptavakt fyrir eigin reikning gegn þóknun frá félaginu. Bankinn mun samkvæmt samningnum setja fram kaup- og sölutilboð alla viðskiptadaga í viðskiptakerfi NASDAQ OMX Iceland hf. Skal fjárhæð hvers tilboðs að lágmarki vera kr. 1.000.000 að nafnvirði en Íslandsbanki ákveður gengi hluta í hvert skipti. Munur kaup- og söluverðs skal vera að hámarki 1,5% og breyting frá síðasta verði skal ekki vera meira en 3,0%. Hámarksfjárhæð heildarviðskipta dag hvern sem Íslandsbanki er skuldbundinn til að kaupa eða selja í sjálfvirkri pörun skal vera kr. 5.000.000,- að nafnvirði. Samningurinn er ótímabundinn en er uppsegjanlegur að beggja hálfu með 14 daga fyrirvara. Nánari upplýsingar veitir: Jónas Guðbjörnsson fjármálastjóri, s. 858 1031. |
|||
|