Hampiðjan hf. - Company Announcement (is)

Landsbankinn hyggst selja 10,93% eignarhlut í Hampiðjunni hf.

Landsbankinn hf. hefur ákveðið að bjóða til sölu þegar útgefið hlutafé í
Hampiðjunni hf. 
Um er að ræða sölu á öllum eignarhlut bankans í Hampiðjunni eða sem nemur
10,93% af útgefnu hlutafé í félaginu. 

Markaðsviðskipti Landsbankans munu sjá um sölu hlutanna í útboði þar sem notuð
er undanþáguheimild  frá útgáfu lýsingar í samræmi við heimild í c-lið, 1.
töluliðar, 1. málsgreinar 50. greinar laga nr. 108/2007 um verðbréfaviðskipti. 

Lágmark hvers tilboðs eru 10.000.000 hlutir að nafnverði í Hampiðjunni og
lágmarksgengi í útboðinu eru 8,00 krónur á hlut. 

Útboðsfyrirkomulag verður með þeim hætti að öll samþykkt tilboð miðast við það
gengi sem tilboðsgjafi leggur inn. Útboðsskilmála ásamt tilboðseyðublöðum má
nálgast hjá Markaðsviðskiptum Landsbankans. 

Tekið verður við tilboðum frá og með föstudeginum 25. maí 2012 kl. 10:00 (GMT)
en tilboðsfrestur rennur út mánudaginn 4. júní 2012 kl. 16:00 (GMT).
Niðurstöður útboðsins verða birtar í Kauphöll að útboði loknu. 



Nánari upplýsingar veitir:

Helgi Þ. Arason, forstöðumaður Markaðsviðskipta Landsbankans. Sími: 410-7335

Arnar Arnarsson, sérfræðingur í Markaðsviðskiptum Landsbankans. Sími: 410-7336

Attachments:

2012_05_24 Utbosskilmalar.pdf