|
|||
![]() |
|||
2012-12-03 22:55:07 CET 2012-12-03 22:55:19 CET REGULATED INFORMATION Fjarskipti hf. - FyrirtækjafréttirUmframeftirspurn í lokaða hluta hlutafjárútboðs Fjarskipta* Tilboð að fjárhæð 9.969 milljónir króna bárust * Umframeftirspurn í lokaða hluta útboðsins var 2,4 föld * Útboð til almennings hefst þriðjudaginn 4. desember 2012 Lokaða hluta útboðs Fjarskipta hf. (Vodafone) lauk klukkan 16:00 í dag, en lágmarksáskrift í lokaða hluta útboðsins var 50 milljónir króna. Í þessum hluta útboðsins bárust samtals tilboð fyrir 9.969 milljónir króna frá fjárfestum. Í boði voru 40% hlutafjár í félaginu í eigu Framtakssjóðs Íslands. Umframeftirspurn var 2,4 föld í þessum hluta útboðsins. Byggt á niðurstöðu lokaða hluta útboðsins er verð hvers hlutar í félaginu 31,5 krónur, bæði í lokaða og opna hluta útboðsins til almennings. Í opna hluta útboðsins til almennings verða í boði 10% hlutafjár félagsins. Opni hluti útboðsins hefst klukkan 10:00 á morgun, þriðjudaginn 4. desember 2012 og lýkur klukkan 16:00 fimmtudaginn 6. desember 2012. Íslandsbanki er umsjónaraðili útboðsins. Í samræmi við skilmála verðbréfalýsingar er seljanda heimilt að bæta 10% útgefins hlutafjár við heildarfjárhæð útboðsins og ráðstafa þeim í lokaða og/eða opna hluta útboðsins. Ómar Svavarsson, forstjóri Fjarskipta"Þessi mikla eftirspurn eftir hlutum í félaginu er mikið ánægjuefni fyrir starfsfólk okkar sem leggur hug sinn og hjarta í rekstur Vodafone. Hún er viðurkenning á því góða starfi sem hér hefur verið unnið og er til marks um mikla trú fjárfesta á félaginu. Við erum vongóð um að sterk staða félagsins og góð rekstrarsaga freisti almennra fjárfesta." [HUG#1662234] |
|||
|