Eik fasteignafélag hf. - Fyrirtækjafréttir

EIK FASTEIGNAFÉLAG HF. KAUPIR ALLT HLUTAFÉ Í LANDFESTUM EHF.

Tilkynning um undirritun kaupsamnings.

Undirritaður hefur verið kaupsamningur milli Eikar fasteignafélags hf. og Arion
banka hf. um kaup Eikar á öllu hlutafé í fasteignafélaginu Landfestum ehf. Eik
mun greiða fyrir kaupin með nýju hlutafé og verður Arion banki þar með stærsti
hluthafi Eikar. Hlutafjárhækkun vegna kaupanna verður lögð fyrir hluthafafund
Eikar í janúar næstkomandi en samningurinn er gerður með fyrirvara um samþykki
hluthafafundar Eikar, niðurstöðu áreiðanleikakannana og samþykki
Samkeppniseftirlitsins. Á sama tíma var undirritaður viðauki við kaupsamning
Eikar á ákveðnum eignum SMI ehf. frá 23. ágúst síðastliðnum. <strong style="font-size: 11pt;">Um Landfestar ehf.

Landfestar ehf. er fasteignafélag sem sérhæfir sig í leigu á skrifstofu- og
atvinnuhúsnæði. Eignasafn Landfesta samanstendur af 35 eignum alls um 98 þúsund
fermetrum. Stærstur hluti þess er skrifstofuhúsnæði á höfuðborgarsvæðinu.
Bókfært virði fjárfestingareigna nam 22 milljörðum króna þann 30. júní 2013. <strong style="font-size: 11pt;">Um sameinað félag

Eftir kaupin verður Eik eitt af stærstu fasteignafélögum landsins með um eitt
hundrað eignir sem telja um 272 þúsund fermetra og verður heildarfjöldi
leigutaka yfir fjögur hundruð. Efnahagur sameinaðs félags verður um 60
milljarðar króna þar sem helstu eignirnar verða meðal annars Borgartún 21 og
26, Smáratorg 1 og 3, Glerártorg, Skútuvogur 16, Austurstræti 5, 6, 7 og 17 og
Þingholtsstræti 3-5. Meirihluti tekna sameinaðs félags verða frá eignum
miðsvæðis á höfuðborgarsvæðinu. Enginn einn leigutaki sameinaðs félags mun fara
yfir 10% af heildarvirðisútleigu félagsins. <strong style="font-size: 11pt;">Framkvæmd kaupanna

Eik fasteignafélag hf. mun greiða fyrir allt hlutafé Landfesta ehf. með útgáfu
nýrra hluta sem afhentir verða Arion banka hf.  Með kaupum á Landfestum mun
eigið fé Eikar aukast um tæplega 7 milljarða króna. 

Eignir SMI verða keyptar með kaupum á félagi. Eik mun gangast í ábyrgð fyrir
lánum þess félags rétt eins og fasteignirnar væru keyptar beint inn í Eik.
Eiginfjárhlutfall Eikar með Landfestum og eignum SMI mun nema um 25% eftir að
kaupin hafa gengið í garð. 

Í kjölfar kaupana er gert ráð fyrir að félagið muni auka eigið fé um þrjá
milljarða króna með sölu nýs hlutafjár og verður áætlað eiginfjárhlutfall
sameinaðs félags um 30% eftir hlutafjáraukninguna. Fyrirhugað er að
endurfjármagna Landfestar á næstu mánuðum með útgáfu skuldabréfa. <strong style="font-size: 11pt;">Annað

Kaup Eikar á Landfestum er hluti af áformum félagsins um að byggja upp öflugt
fasteignafélag. Stefnt er að skráningu hlutafjár Eikar í Kauphöll Íslands eftir
að viðeigandi yfirvöld hafa fjallað um kaupin. 



Frekari upplýsingar veita fyrir hönd Eikar fasteignafélags Stefán Árni
Auðólfsson, stjórnarformaður, í síma 864-3378 eða með tölvupósti á
stefan@lmb.is, og Garðar Hannes Friðjónsson, forstjóri, í síma 861-3027 eða með
tölvupósti á gardar@eik.is.  Frekari upplýsingar veitir fyrir hönd Arion banka
Haraldur Guðni Eiðsson, forstöðumaður Samskiptasviðs Arion banka í síma
856-7108 með tölvupósti á haraldur.eidsson@arionbanki.is <span style="font-size:11pt;">Garðar Hannes Friðjónsson,
Forstjóri Eikar fasteignafélags hf.</span>