Síminn hf. - Ársreikningur

Rekstur Símans stöðugur fyrstu níu mánuði ársins

  -- Tekjur á þriðja ársfjórðungi námu 7.555 milljónum króna samanborið við
     7.089 milljónir króna á sama tímabili í fyrra, tekjuvöxturinn nemur 6,6%.

  -- Rekstrarhagnaður fyrir afskriftir og fjármagnsliði (EBITDA) nam 2.365
     milljónum króna á þriðja ársfjórðungi samanborið við 2.452 milljónir króna
     á sama tímabili árið 2014.

  -- Hagnaður á þriðja ársfjórðungi nam 873 milljónum króna samanborið við 1.200
     milljónir króna á sama tímabili 2014.

  -- Handbært fé frá rekstri án vaxta og skatta nam 2.557 milljónum króna á
     þriðja ársfjórðungi en var 2.615 milljónir króna á sama tímabili í fyrra.
     Eftir vexti og skatta nam handbært fé frá rekstri 2.046 milljónum króna á
     þriðja ársfjórðungi.

  -- Hreinar vaxtaberandi skuldir voru 20 milljarðar króna í lok september og
     hafa lækkað um 1,4 milljarða króna frá áramótum.

  -- Fjárfestingar á þriðja ársfjórðungi voru 1.129 m.kr. og
     fjárfestingahlutfallið 14,9%.

  -- Eiginfjárhlutfall félagsins var 51,8% í lok tímabils og eigið fé 32,1
     milljarðar króna.



Orri Hauksson, forstjóri:

„Fyrsta uppgjör Símans á markaði er í samræmi við þau skilaboð sem gefin voru í
aðdraganda skráningarinnar. Einföldun hefur verið meginstefið að undanförnu.
Það á ekki aðeins við um uppbyggingu samstæðunnar heldur einnig þegar litið er
til vöruframboðsins. Áherslan hefur færst frá einingaverði til fastra greiðslna
á farsímamarkaði og hafa viðskiptavinir einnig kosið úrval vara Símans í einum
pakka. Það minnkar sveiflur í rekstrinum. Á næstu misserum má ætla að þessar
breytingar skili sér í hagkvæmari rekstri og aukinni framlegð. Við hjá Símanum
höldum full sjálfstrausts inn á markaðinn eftir umfangsmikinn undirbúning fyrir
skráningu félagsins. Ég vil nota tækifærið og þakka samstarfsfólki fyrir dug og
elju í aðdraganda hennar.“ 



Nánari upplýsingar um uppgjörið veita:

Orri Hauksson, forstjóri Símans, s. 550-6003. (orri@siminn.is)

Óskar Hauksson, fjármálastjóri Símans s. 550-6003. (oskar@siminn.is)

Bifogade filer:

Siminn hf. - Afkomutilkynning 3F 2015.pdf

Siminn 30.09.2015.pdf

Siminn hf. - samanburur timabila 30 9 15.pdf