Reitir fasteignafélag hf. - Fyrirtækjafréttir

REITIR: Útboð á skuldabréfum 8. desember og birting grunnlýsingar

Reitir fasteignafélag hf. efnir til útboðs á skuldabréfum þriðjudaginn 8.
desember næstkomandi. Boðin verða til sölu skuldabréf í áður útgefnum flokki
REITIR151244 og nýjum flokki REITIR151124. Báðir flokkar eru verðtryggðir með
jöfnum greiðslum og veðtryggðir með fyrirliggjandi almennu
tryggingarfyrirkomulagi félagsins, en lánstími REITIR151244 er 29 ár og
lánstími REITIR151124 er 9 ár. 

Fjárfestingabankasvið Arion banka hf. hefur umsjón með útboðinu. Heildarstærð
útboðsins getur verið allt að 10 milljarðar kr. Útboðið verður með hollenskri
aðferð, þ.e. öll samþykkt tilboð bjóðast fjárfestum á hæstu ávöxtunarkröfu sem
tekið er. Félagið áskilur sér rétt til þess að taka hvaða tilboði sem er eða
hafna þeim öllum. 

Útboðið er lokað og undanþegið gerð lýsingar, sbr. 1. mgr., 1. tl. a og b 50.
greinar laga nr. 108/2007 um verðbréfaviðskipti, en grunnlýsing vegna
útgáfuramma félagsins hefur verið birt og hefur félagið útbúið drög að
lokaskilmálum ofangreindra flokka. Fyrirtækjaráðgjöf Fjárfestingabankasviðs
Arion banka hf. hafði umsjón með því ferli að fá grunnlýsinguna staðfesta hjá
Fjármálaeftirlitinu. Grunnlýsing, tryggingabréf, útgáfulýsingar og
lokaskilmálar ásamt tengdum skjölum eru birt á vefsíðu félagsins
reitir.is/fjarfestar. Grunnlýsinguna má nálgast á vefsíðunni næstu 12 mánuði og
hjá útgefanda í höfuðstöðvum félagsins að Kringlunni 4-12, Reykjavík. 



Nánari upplýsingar veitir:

Einar Þorsteinsson, fjármálastjóri, á netfanginu einar@reitir.is eða í síma 669
4416.