Íbúðalánasjóður - Breyting á stjórn/framkvæmdastjórn/endurskoðendum

Breyting á stjórn Íbúðalánasjóðs.

Félags- og húsnæðismálaráðherra hefur skipað Sigurbjörn Ingimundarson
varaformann í stjórn Íbúðalánasjóðs í stað Þorsteins Arnalds og jafnframt
skipað Valdimar Valdemarsson sem fastamann í stjórn. 

Sigurbjörn Ingimundarson lauk BA námi í lögfræði frá Háskólanum í Reykjavík
2010, á árunum 2010 til 2013 stundaði hann framhaldsnám í lögfræði við
Háskólann í Reykjavík og leggur nú stund á MBA-nám við viðskiptafræðideild
Háskóla Íslands. Hann var við starfsnám og sumarstarf hjá Landsvirkjun árið
2011, hjá LOGOS lögmannsþjónustu 2012-2014 og vinnur nú sem framkvæmdastjóri
þingflokks Sjálfstæðisflokksins. 

Valdimar Valdemarsson hefur verið varamaður í stjórn Íbúðalánasjóðs frá því í
september 2013 og hefur undanfarið ár setið stjórnarfundi sem varamaður en
tekur nú sæti sem aðalmaður í stjórn.