Reitir fasteignafélag hf. - Boðun hluthafafundar

REITIR: Endanleg dagskrá, tillögur og framboð til stjórnar á aðalfundi 2. apríl 2025

Aðalfundur Reita fasteignafélags hf. verður haldinn miðvikudaginn 2. apríl 2025 kl. 15.00 í fundarsal 2 á Hotel Reykjavik Natura, Nauthólsvegi 52.

Endanleg dagskrá er eftirfarandi:

1. Stjórn skýrir frá rekstri félagsins og hag þess á liðnu ári. 
2. Ársreikningur og samstæðureikningur félagsins fyrir liðið starfsár lagðir fram til staðfestingar. 
3. Ákvörðun um greiðslu arðs og meðferð hagnaðar félagsins á síðastliðnu starfsári. 
4. Tillögur stjórnar lagðar fyrir aðalfund: 
   1. Tillaga um heimild til kaupa á eigin hlutabréfum. 
   2. Tillaga um lækkun hlutafjár til jöfnunar eigin hluta. 
   3. Tillaga um breytingu á stefnu félagsins um fjárhagsleg markmið og ráðstöfun verðmæta til hluthafa.
   4. Tillaga um breytingu á samþykktum.
   5. Tillaga um breytingar á starfskjarastefnu félagsins. 
   6. Tillaga um skipun nefndarmanna í tilnefningarnefnd. 
   7. Tillaga um kosningu utanaðkomandi nefndarmanns í endurskoðunarnefnd. 
5. Kosning stjórnarmanna félagsins. 
6. Kosning endurskoðanda eða endurskoðunarfélags. 
7. Ákvörðun um laun stjórnar, undirnefnda stjórnar og tilnefningarnefndar fyrir komandi starfsár. 
8. Önnur mál, löglega upp borin.
   

Eftirtaldir aðilar hafa boðið sig fram til setu í stjórn félagsins:

Anna Kristín Pálsdóttir
Elín Árnadóttir
Guðmundur Ingi Jónsson
Kristinn Albertsson
Sigurður Ólafsson
Þórarinn V. Þórarinsson

Framboðsfrestur er nú runninn út samkvæmt samþykktum félagsins og hafa frekari framboð ekki borist. Samkvæmt samþykktum félagsins skal stjórn skipuð fimm einstaklingum kjörnum á aðalfundi til eins árs í senn. Nánari upplýsingar um frambjóðendur er að finna í skýrslu tilnefningarnefndar sem sjá má hér.

Hluthafar og umboðsmenn þeirra geta skráð sig á aðalfundinn á fundarstað frá kl. 14.30 á aðalfundardag. Þeir hluthafar sem þess óska geta forskráð sig á aðalfundinn og munu atkvæðaseðlar þeirra þá vera tilbúnir er mætt er á fundinn og afhentir gegn framvísun umboðs (ef við á) og skilríkja.

Forskráning fer fram með því að senda eftirtaldar upplýsingar á netfangið adalfundur@reitir.is, fyrir kl. 13.00 á aðalfundardegi:

• Kennitala hluthafa
• Nafn þess sem mætir
• Kennitala þess sem mætir
• Skannað eintak af umboði (ef við á), en að auki þarf að mæta með frumrit þess á fundinn.