FAST-1 slhf. - Innherjaupplýsingar

FAST-1 slhf. - Samningur um einkaviðræður og helstu skilmála sölu á öllu eignasafni FAST-1 slhf.

FAST-1 slhf.  og Reginn hf.  hafa undirritað samning  um einkaviðræður og helstu
forsendur og skilmála kaupsamnings varðandi möguleg kaup hins síðarnefnda á öllu
hlutafé  í dótturfélögum FAST-1; HTO ehf. og FAST-2 ehf. Fjárfestingareignir HTO
eru Borgartún 8-16 og Katrínartún 2, en fjárfestingareignir FAST-2 eru Skúlagata
21, Skútuvogur  1 og  Vegmúli  3. Áður hefur  FAST-2 ehf.  selt  fasteignina  að
Klettagörðum  13. Um er að  ræða allt fasteignasafn  FAST-1, sem samanstendur af
hágæða eignum en eignasafnið er að 98% í langtímaleigu til traustra aðila. Meðal
stærstu  leigutaka eru Reykjavíkurborg, Fjársýsla Ríkisins, Reiknistofa Bankanna
og Fjármálaeftirlitið en um 57% tekna koma frá opinberum aðilum.

Efnt var til opins söluferlis, sbr. tilkynning félagsins dagsett 4. október sl.,
og  er samningurinn gerður  í kjölfar þess.  Mikill áhugi var  á eignasafninu en
alls bárust sex tilboð í eignir félagsins. Samningurinn sem nú er gerður felur í
sér  að  heildarvirði  eigna  sé  samtals  23,2 milljarðar  króna,  en gerður er
fyrirvari  um  framkvæmd  áreiðanleikakönnunar, samþykki Samkeppniseftirlitsins,
samþykki  hluthafafundar  FAST-1 auk  annarra  skilyrða  sem  hefðbundin eru við
viðskipti af þessum toga.

Verði  af  viðskiptunum  mun  skuldabréfaflokkur FAST-1 slhf., FAST-1 12 1 verða
greiddur upp að fullu í samræmi við skilmála skuldabréfsins.

FAST-1 er í eigu lífeyrissjóða, tryggingafélaga og annarra fagfjárfesta. Á meðal
stærstu  hluthafa  FAST-1 eru  Gildi-lífeyrissjóður,  Lífeyrissjóður starfsmanna
ríkisins  og  Lífeyrissjóður  verzlunarmanna  með  tæplega  20% hlut hver, Festa
lífeyrissjóður með tæplega 10% hlut og Almenni lífeyrissjóðurinn með tæplega 7%
hlut.

Félagið  er í  stýringu hjá  Íslandssjóðum og  Contra. Íslandsbanki  og Landslög
veita FAST-1 ráðgjöf í tengslum við söluferlið.

Nánari  upplýsingar  veita:

  * Haukur Skúlason, stjórnarformaður FAST-1 slhf. í gegnum netfangið
    haukurskula@islandssjodir.is eða símanúmerið 844 4931.

  * Gísli  Reynisson,  framkvæmdarstjóri FAST-1 slhf. í gegnum
    netfangið gisli@contra.is eða símanúmerið 856 5111.


[]