|
|||
2009-05-05 15:35:45 CEST 2009-05-05 15:36:45 CEST REGULATED INFORMATION Frjálsi fjárfestingarbankinn hf. - Fyrirtækjafréttir- Skipulagsbreytingar hjá Frjálsa fjárfestingarbankanum hf.Frá því að Fjármálaeftirlitið tók ákvörðun um að taka yfir vald hluthafafundar Spron hf. og skipa skilanefnd hefur verið unnið að framtíðarskipan Frjálsa fjárfestingarbankans hf. sem er dótturfélag Spron hf. Ákvörðun hefur verið tekin um að fara í umfangsmiklar breytingar á rekstri bankans.Starfsmönnum verður fækkað um nær helming og annar rekstrarkostnaður lækkaður með hagræðingu og minni umsvifum í rekstri. Bankinn mun sjá um að innheimta og þjónusta útlán sín áfram og unnið verður að því að hámarka verðmæti annarra eigna bankans. Stjórn Frjálsa fjárfestingabankans hefur komist að samkomulagi við Kristinn Bjarnason um að hann hætti sem framkvæmdastjóri bankans. Kristinn hefur starfað frá árinu 1996 hjá bankanum og gegnt starfi framkvæmdastjóra síðastliðinn 8 ár. Ingólfur Friðjónsson forstöðumaður lögfræðisviðs bankans mun taka tímabundið við sem framkvæmdastjóri bankans. |
|||
|