Lánasjóður sveitarfélaga ohf. - Fyrirtækjafréttir

Lánasjóður sveitarfélaga ohf. – Undirritun Aðalmiðlarasamninga

Lánasjóður sveitarfélaga ohf. hefur gengið frá samningum við aðalmiðlara í
tengslum við útgáfu skuldabréfa lánasjóðsins og viðskiptavakt á eftirmarkaði í
flokkum LSS150224 og LSS150434. Markmiðið með samningnum er að styrkja aðgang
lánasjóðsins að lánsfé og efla verðmyndun á eftirmarkaði. 

Frá 26. mars 2015 hafa fimm fjármálastofnanir heimild til að kalla sig:"Aðalmiðlara með skuldabréf lánasjóðsins". Þær eru: Arion banki, Íslandsbanki
hf., Landsbankinn hf., MP banki hf. og Straumur fjárfestingabanki. 

Helstu atriði samningsins eru:

  -- Aðalmiðlarar hafa einir aðgang að útboðum Lánasjóðs sveitarfélaga ohf.
  -- Aðalmiðlari skuldbindur sig til að setja fram markaðsmyndandi tilboð í
     útboðum skuldabréfa lánasjóðsins að lágmarki 100 m.kr. að nafnverði
     samanlagt í þá flokka sem í boði eru í hverju útboði, að hámarki þó einu
     sinni í hverjum mánuði.
  -- Aðalmiðlarar hafa einir aðgang að sérstökum verðbréfalánum sem
     lánasjóðurinn veitir.
  -- Aðalmiðlari er viðskiptavaki á eftirmarkaði fyrir LSS150224 og setur fram
     kaup- og sölutilboð að lágmarki 30 m.kr. að nafnvirði í Nasdaq OMX á
     Íslandi fyrir opnun markaðar.
  -- Aðalmiðlari er viðskiptavaki á eftirmarkaði fyrir LSS150434 og setur fram
     kaup- og sölutilboð að nafnvirði 40 m.kr. að lágmarki í NASDAQ OMX á
     Íslandi fyrir opnun markaðar.
  -- Aðalmiðlari skuldbindur sig til þess að verðmunur kaup- og sölutilboða hans
     fari ekki yfir 1%
  -- Aðalmiðlara er skylt að endurnýja tilboð sín innan 15 mínútna frá því að
     þeim hefur verið tekið. Ef aðalmiðlari á viðskipti á einum viðskiptadegi
     fyrir samtals 200 m.kr. að nafnvirði með þá flokka lánasjóðsins sem
     viðskiptavakt er með er honum heimilt að víkja út frá hámarksmun kaup- og
     sölutilboða.
  -- Samningurinn gildir frá 26. mars 2015 til 26. mars 2016.

Nánari upplýsingar veitir Egill Skúli Þórólfsson í síma 515 4947.

Attachments:

Aalmilarasamningur LSS - Synishorn 2015.pdf