Fjarskipti hf. - Fyrirtækjafréttir

Fjarskipti hf. : Samningur íslenskra stjórnvalda við Vodafone um leigu á ljósleiðarastreng í eigu NATO felur ekki í sér ríkisaðstoð

Míla ehf. kvartaði í júlí 2010 til Eftirlitsstofnunar EFTA (ESA) vegna útboðs
Varnamálastofnunar á aðgangi að ljósleiðarastreng í eigu NATO. ESA komst að
þeirri niðurstöðu að ekki væri ástæða til að opna rannsókn á málinu. Þá
niðurstöðu fór Míla með fyrir EFTA-dómstólinn sem komst að þeirri niðurstöðu að
ákvörðun ESA um að hefja ekki rannsókn væri ekki nægilega vel rökstudd og lagði
fyrir stofnunina að rannsaka málið nánar. Í júlí 2014 tók ESA þá ákvörðun að
opna formlega rannsókn á útboðinu og hvort í því fælist ríkisaðstoð.

Samkvæmt fréttatilkynningu sem ESA birti á vefsíðu sinni í dag hefur stofnunin
komist að þeirri niðurstöðu, á grundvelli upplýsinga sem bárust, að umsamið
leiguverð fyrir afnot af NATO-strengnum hafi samræmst markaðsvirði. Samningurinn
feli því ekki í sér ríkisaðstoð í skilningi 1. mgr. 61. gr. EES-samningsins.


[HUG#1995070]