Nýherji hf. - Hluthafafundir

Nýherji hf. – Framboð til stjórnar og krafa um margfeldiskosningu á aðalfundi félagsins 4. mars 2016

Eftirtalin hafa gefið kost á sér til setu í stjórn Nýherja hf., sem kjörin
verður á aðalfundi 4. mars næstkomandi: 


Ágúst Sindri Karlsson
Benedikt Jóhannesson
Emilía Þórðardóttir
Hildur Dungal
Ívar Kristjánsson
Katrín A. Friðriksdóttir
Loftur Bjarni Gíslason

Jafnframt hafa eftirtalin gefið kost á sér til kjörs varamanns í stjórn Nýherja
hf.: 

Guðmundur Jóh. Jóhannsson
Katrín A. Friðriksdóttir



Það er mat stjórnar að öll framboð séu gild sbr. 63. gr.hlutafélagalaga og að
allir frambjóðendur séu óháðir Nýherja. 

Frekari upplýsingar um framangreinda aðila munu verða aðgengilegar á
upplýsingasíðu aðalfundar 2016 á heimasíðu félagsins
http://www.nyherji.is/adalfundur, eigi síðar en 2 dögum fyrir fundinn. 



Krafa um margfeldiskosningu

Stjórn Nýherja hefur borist krafa um að beitt verði margfeldiskosningu til
kosningar stjórnar Nýherja sem fram fer á aðalfundi félagsins þann 4. mars
næstkomandi. Krafan var send til stjórnar innan tilskilins frests og barst frá
hluthafa sem hefur yfir að ráða meira en 10% hlutafjár sbr. 7. mgr. 63. gr.
laga um hlutafélög nr. 2/1995. Margfeldiskosningu verður því beitt við
stjórnarkjörið. 

Margfeldiskosning fer fram með eftirfarandi hætti: Kosið skal á milli
einstaklinga. Gildi hvers atkvæðis skal margfaldað með fjölda þeirra
stjórnarmanna sem kjósa skal og má hluthafi skipta atkvæðamagni sínu, þannig
reiknuðu, í hverjum þeim hlutföllum, sem hann sjálfur kýs, á jafnmarga menn og
kjósa skal eða færri. Ef ekki er á atkvæðaseðli getið skiptingar atkvæða á
milli þeirra sem þau eru greidd skal þeim skipt að jöfnu. 



NÝHERJI HF.

Nýherji hf. (NASDAQ OMX: NYHR.IC) er samstæða fyrirtækja í upplýsingatækni.
Nýherji er þjónustufyrirtæki og hlutverk þess felst í að aðstoða viðskiptavini
að ná enn betri árangri í sínum rekstri með aðstoð upplýsingatækni,
sérfræðiþekkingu starfsfólks og lipurri þjónustu. Hjá móðurfélaginu starfa 250
manns en hjá samstæðunni um 500. Dótturfélög Nýherja eru TM Software, TEMPO og
Applicon, á Íslandi og í Svíþjóð. Hlutabréf Nýherja eru skráð í Kauphöll
Íslands. Nánari upplýsingar er að finna á www.nyherji.is 


Til athugunar fyrir fjárfesta:

Nýherji vekur athygli á því að staðhæfingar sem finna má í þessari
fréttatilkynningu kunna að vera byggðar á mati og áætlunum stjórnenda félagsins
en ekki á staðreyndum sem hægt er að sannreyna af birtingu tilkynningarinnar.
Eðli málsins samkvæmt fela slíkar staðhæfingar í sér óvissu. Athygli fjárfesta
er vakin á því að margir þættir geta haft þau áhrif að rekstrarumhverfi
félagsins og afkoma verði með öðrum hætti en forsendur gera ráð fyrir í
tilkynningunni. Þessi tilkynning verður ekki endurskoðuð eftir birtingu hvað
þetta varðar. Staðhæfingar sem finna má í þessari fréttatilkynningu gilda
eingöngu á því tímamarki þegar fréttatilkynningin er birt og takmarkast gildi
þeirra við það sem segir í fyrirvara þessum.