Landsbanki Íslands hf. - Yfirtökutilboð

Varðandi tilkynningar frá Cenkos Securities plc og Close Brothers Group plc

Vegna tilkynninga sem birtust nú í morgun frá ensku fjármálafyrirtækjunum Close
Brothers Group plc og Cenkos Securities plc varðandi hugsanlega þátttöku
bankans í yfirtökutilboði í Close Brothers Group plc, vill Landsbanki Íslands
hf. taka fram eftirfarandi: 

Landsbankinn hefur í samvinnu við enska verðbréfafyrirtækið Cenkos Securities
plc átt viðræður við stjórn Close Brothers Group plc í því skyni að kanna
grundvöll þess að gera yfirtökutilboð í allt útistandandi hlutafé síðarnefnda
félagsins á genginu 950 pens á hlut. Gangi viðskiptin eftir, hefur Landsbankinn
í hyggju að kaupa bankastarfsemi Close Brothers Group plc en Cenkos Securities
plc mun halda eftir öðrum þáttum starfseminnar. 

Viðræður um þessi viðskipti eru nú á frumstigi og engin vissa er fyrir því að
þær muni leiða til þess að gert verði yfirtökutilboð í Close Brother's Group
plc. 

Frekari upplýsingar veitir:
Landsbanki Íslands hf.
Sigurjón Þ. Árnason, bankastjóri, sími 898 0177,
Halldór J. Kristjánsson, bankastjóri, simi 820 6399.