N1 - Ársreikningur

Ársreikningur 2009

Afkoma N1 hf viðunandi í erfiðu efnahagsumhverfi.
Hagnaður N1 hf. árið 2009 er 277,4 millj. kr. eftir skatta.
Veltufé frá rekstri nam 1.793 millj. kr. en var 1.202 millj. kr. árið áður.
Eigið fé félagsins er rúmlega 6,6 milljarðar í árslok 2009.


N1 hf. lykilstærðir (þús kr.): Sjá viðhengi.



Ársreikningur N1 hf árið 2009
Ársreikningur N1 hf. fyrir árið 2009 hefur verið staðfestur af stjórn félagsins
og forstjóra.  Ársreikningurinn er  byggður á alþjóðlegum reikningsskilastöðlum
(IFRS) og hefur samanburðarfjárhæðum verið breytt til samræmis við nýjar
reikningsskilareglur. 



Rekstur
Rekstrartekjur félagsins nema 40.038 millj. kr. samanborið við 43.765 millj.
kr. árið  2008.  Hagnaður fyrir afskriftir og leigugjöld nemur 3.455 millj. kr.
samanborið við 3.408 millj. kr. árið 2008.    Rekstrarhagnaður ársins nam 277
millj. kr. eftir skatta á móti 1.111 millj. kr. tapi árið 2008.  Fjármagnsliðir
eru neikvæðir um 1.600 millj. kr. árið 2009 en voru neikvæðir um 3.367 millj.
kr árið 2008. 

Eignir
Bókfært verð eigna félagsins í lok árs 2009 nam 25.292 millj. kr. samanborið
við 25.298 millj. kr. í árslok 2008. 

Eigið fé
Eigið fé þann 31. desember 2009 nam 6.638 millj. kr. samanborið við 6.361
millj. kr. þann 31.12.2008. 
Skuldir

Í lok ársins námu heildarskuldir og skuldbindingar 18.654 millj. kr. og þar af
námu langtímaskuldir 7.496 millj. kr. 

Staða og horfur
Rekstrarhorfur árið 2010 eru áfram erfiðar vegna óstöðugleika í efnahagsmálum. 
Kjarnastarfsemi félagsins hefur gengið vel miðað við aðstæður það sem af er
árinu 2010 en áfram má búast við erfiðu rekstrarumhverfi. 


Nánari upplýsingar veita Hermann Guðmundsson forstjóri og Elías Bjarni
Guðmundsson framkvæmdastjóri fjármálasviðs í síma 440 1000

Attachments:

n! tafla 2009.xls

fréttatilkynning n1 31 12 2009.pdf

ársreikningur n1 hf 31 12 2009.pdf