2017-08-02 17:30:18 CEST

2017-08-02 17:30:18 CEST


REGULATED INFORMATION

Islandic
Kvika banki hf. - Aðrar upplýsingar sem birtar eru í samræmi við reglur Kauphallarinnar

Kvika banki hf.: Kvika kaupir allt hlutafé í Öldu


Kvika  banki hf. hefur undirritað  samning um kaup á  öllu hlutafé í Öldu sjóðum
hf.   Kaupin   eru   gerð   með  fyrirvara  um  áreiðanleikakönnun  og  samþykki
eftirlitsstofnana.

Alda rekur 11 verðbréfasjóði og aðra sjóði um sameiginlega fjárfestingu auk þess
að  vera söluaðili sjóða í umsjón Aberdeen Asset Management og Hermes Investment
Management.  Heildareignir í stýringu  hjá Öldu nema  45 milljörðum króna og hjá
félaginu starfa sex starfsmenn með mikla reynslu á sviði eignastýringar. Félagið
hefur  á undanförnum árum náð mjög góðum  árangri í sjóðastýringu og umsvif þess
aukist verulega.

Kvika  er  eini  sérhæfði  fjárfestingabanki  landsins  með sterka stöðu á sviði
markaðsviðskipta    og   öfluga   eignastýringu,   fyrirtækjaráðgjöf,   sérhæfða
lánastarfsemi og einkabankaþjónustu. Kvika festi á dögunum kaup á öllu hlutafé í
Virðingu  hf. með það að markmiði að  sameina félögin. Kaupin á Virðingu hf. eru
háð samþykki eftirlitsstofnana og eru nú til umfjöllunar hjá Fjármálaeftirlitinu
og Samkeppniseftirlitinu.

Með  kaupunum  á  Virðingu  og  Öldu  verður  Kvika  einn  umsvifamesti  aðili í
eignastýringu á Íslandi með um 280 milljarða króna í stýringu.



Nánari upplýsingar veita:
Þorsteinn Pálsson, stjórnarformaður Kviku banka hf. í síma 540 3200.
Ármann Þorvaldsson, forstjóri Kviku banka hf. í síma 540 3200.


[]