|
|||
2014-10-31 15:28:42 CET 2014-10-31 15:29:43 CET REGULATED INFORMATION This message has been corrected. Click here to view the corrected message Orkuveita Reykjavíkur - FyrirtækjafréttirFjárfestingar vegna umhverfismála aukast og sjóðstaða treystReykjavík, 2014-10-31 15:28 CET (GLOBE NEWSWIRE) -- Talsverð aukning verður í fjárfestingum Orkuveitu Reykjavíkur og dótturfyrirtækja næstu ár samkvæmt fjárhagsáætlun samstæðunnar. Uppbygging vegna umhverfismála er áberandi en einnig efling veitukerfa fyrirtækisins, einkum á Vesturlandi. Áformað er að verja 10,3 milljörðum króna í fjárfestingar árið 2015 en að þær nema 6,4 milljörðum króna nú í ár. Með innleiðingu Plansins á fyrri hluta árs 2011 komst jafnvægi í rekstur Orkuveitu Reykjavíkur. Góð tök hafa verið á útgjöldum og tekjur eru stöðugar. Markmið Plansins var að bæta sjóðstöðu fyrirtækisins um meira en 50 milljarða króna á árabilinu 2011 til og með 2016. Þar af eru um 30 milljarðar úr rekstrinum og 20 milljarðar með lánum frá eigendum og leiðréttingu gjaldskrár. Allir þættir Plansins eru á áætlun og hafa, ásamt öðrum aðgerðum, skilað betri sjóðstöðu en áætlað var. Í Planinu fólst meðal annars að fresta hluta framkvæmda við fráveitu á Vesturlandi. Á árinu 2015 verður þráðurinn í því mikilvæga umhverfisverkefni tekinn upp að nýju og ljúka á uppbyggingu nýs kerfis með hreinsistöðvum og sjólögnum árið 2016. Á Akranesi er hafin bygging nýrrar aðveitustöðvar rafmagns, sem gerir fiskvinnslu í bænum kleift að nota rafmagn í auknu mæli við bræðslu í stað olíu. Áfram verður unnið að endurnýjun Deildartunguæðar, sem sér Akranesi og Borgarbyggð fyrir heitu vatni. Til eflingar sjálfbærri nýtingu jarðhitans á Hengilssvæðinu leggur dótturfyrirtækið Orka náttúrunnar ohf., nú gufulögn frá borholum við Hverahlíð að Hellisheiðarvirkjun. Það er stærsta fjárfesting virkjanarekstursins. Áhersla er lögð á niðurgreiðslu skulda um leið og að viðhalda tryggri lausafjárstöðu. Gert er ráð fyrir að eigið fé Orkuveitu Reykjavíkur hækki um u.þ.b. 7 milljarða króna á árinu 2015 og eiginfjárhlutfall verði 34,6% í árslok 2015. Fjárhagsáætlun samstæðu Orkuveitu Reykjavíkur fyrir árið 2015 og langtímaáætlun fyrir árin 2016 til og með 2020 er fyrsta áætlunin sem gerð er eftir að fyrirtækinu var skipt upp að lagaboði. Áætlanirnar hafa hlotið samþykki stjórna dótturfélaga Orkuveitunnar, stjórnar móðurfélags og eru nú til meðferðar hjá Reykjavíkurborg, sem hluti fjárhagsáætlunar samstæðu borgarinnar. Nánari upplýsingar: Bjarni Bjarnason forstjóri Sími 516 7707 |
|||
|