Eignarhaldsfélagið Farice ehf. - Ársreikningur

Ársreikningur Farice fyrir árið 2010

Ársreikningur Farice ehf 2010, helstu niðurstöður.
(Fjárhæðir eru í evrum)

  -- Rekstrartekjur voru 6,7 milljónir (2009: 5,8 milljónir)
  -- Rekstrar- og stjórnunarkostnaður nam 5,8 milljónum (2009: 4,5 milljónir)
  -- Tap ársins nam 17 milljónum  ( 2009: 14,6 milljónir)


Helstu atriði

Á árinu 2010 stóð yfir fjárhagsleg endurskipulagning Eignarhaldsfélagsins
Farice ehf og dótturfélagsins Farice hf, í samvinnu við lánardrottna og
hluthafa félaganna. Á hluthafafundum sem haldnir voru í félögunum í desember
2010 var samruni félaganna samþykktur. Ennfremur var samþykkt veruleg aukning
hlutafjár í hinu sameinaða félagi, eftir að hlutafé hafði verið lækkað til að
mæta uppsöfnuðu tapi. Þá var nafni sameinaða félagsins breytt í Farice ehf. 

Rekstrarumhverfi og fjárhagur

Endurskipulagður fjárhagur Farice ehf á að tryggja að félagið geti staðið undir
heilbrigðum rekstri og mætt þeim rekstri sem áætlaður er að verði á næstu árum.
Tekjur félagsins eru annars vegar af viðskiptasamningum við almenn
fjarskiptafélög og hins vegar af samningum við gagnaveraiðnaðinn. Árleg aukning
fjarskiptaumferðar almennra fjarskiptafélaga er veruleg, en í áætlunum
félagsins er þó gert ráð fyrir að meginvöxturinn verði á sviði þjónustu við
gagnaver og skyldan iðnað. Þá skipta nýir samningar við lánardrottna um
endurgreiðslur langtímalána afar miklu máli hvað varðar framtíð Farice ehf. 



Frekari upplýsingar veitir:

Guðmundur Gunnarsson, framkvæmdastjóri
Sími:  893 4840
Netfang: gg@farice.is

Attachments:

Farice ehf ársreikningur 2010.pdf