|
|||
![]() |
|||
2012-12-13 17:06:48 CET 2012-12-13 17:07:50 CET REGULATED INFORMATION Lánamál ríkisins - FyrirtækjafréttirSala á ríkistryggðum verðbréfum í eigu ríkissjóðsRíkissjóður eignaðist 2,7 ma.kr. að nafnverði í RIKB 19 0226 í tengslum við Avens samkomulagið sem Seðlabanki Íslands gerði við Seðlabanka Lúxemborgar og skiptastjóra Landsbankans í Lúxemborg árið 2010. Einnig á ríkissjóður 1 ma.kr. að nafnverði í flokknum HFF 24 0215. Ákveðið hefur verið að selja þessi bréf með útboðsfyrirkomulagi mánudaginn 17. desember og verður andvirðinu varið til að bæta sjóðstöðu ríkissjóðs hjá Seðlabankanum. Útboðinu verður þannig háttað að öll samþykkt tilboð bjóðast kaupendum á sama verði. Lægsta samþykkta verð (hæsta ávöxtunarkrafa) ræður söluverðinu. Í boði verða áður nefndir flokkar: Flokkar Nafnverð HFF 240215 1,0 ma.kr. RIKB 19 0226 2,7 ma.kr. Seðlabankinn áskilur sér rétt f.h. ríkissjóðs til að samþykkja öll tilboð sem berast, að hluta eða hafna þeim öllum. Einungis aðalmiðlurum ríkisskuldabréfa er heimilt að gera tilboð í útboðinu en þeir annast einnig tilboðsgerð fyrir fjárfesta. Tilboð skulu sendast til Seðlabankans í gegnum Bloomberg-útboðskerfið milli kl. 09:30 og 10:00. Tilboð skulu sett fram í verðum, með þremur aukastöfum. Lágmark hvers tilboðs er ein milljón króna að nafnvirði. Niðurstaða verður birt kl. 11:00. Greiðslu- og uppgjörsdagur er þriðjudagur 18. desember 2012. |
|||
|