Landsbankinn hf. - Fyrirtækjafréttir

Landsbankinn hf.: Samrunaáætlun Landsbankans og Sparisjóðs Norðurlands samþykkt

Bankaráð Landsbankans hf. og stjórn Sparisjóðs Norðurlands hafa þann 30. júní
2015 samþykkt samrunaáætlun félaganna. 

Samruni lýtur lögbundnu ferli sem tekur að lágmarki fjórar vikur, frá því hann
er fyrst auglýstur með formlegum hætti. Með fyrirvara um samþykki
eftirlitsaðila og stofnfjárfundar mun því samruni fyrirtækjanna verða að
veruleika í ágúst. Þá munu allar eignir og skuldbindingar sparisjóðsins renna
inn í Landsbankann og hann tekur við rekstri allra útibúa sjóðsins. Stjórn
Sparisjóðs Norðurlands leitaði til Landsbankans þann 9. júní til að kanna áhuga
á samruna vegna óvissu um framtíð sjóðsins. 



Nánari upplýsingar:

Kristján Kristjánsson, pr@landsbankinn.is 410 4011 eða 899 9352