|
|||
2014-02-18 19:22:04 CET 2014-02-18 19:23:05 CET REGULATED INFORMATION Íbúðalánasjóður - FyrirtækjafréttirMánaðarskýrsla Íbúðalánasjóðs janúar 2014Uppgreiðslur í lánasafni Íbúðalánasjóðs eru innan eðlilegra marka Reglulega hefur verið fjallað um uppgreiðsluvanda Íbúðalánasjóðs á opinberum vettvangi og þá með þeim formerkjum að vandinn sé sífellt að aukast. Niðurstaðan um að þetta sé vandamál byggir á því að bera uppgreiðslur saman við ný útlán til viðskiptavina. Ef uppgreiðslur eru hinsvegar bornar saman við heildarstöðu sjóðsins kemur í ljós að raunverulegar uppgreiðslur eru ekki stórt vandamál hjá sjóðnum. Þá má nefna að núverandi uppgreiðslur í lánasafni sjóðsins eru hlutfallslega mun minni en þekkist í sambærilegum lánasöfnum erlendis. Uppgreiðslur eru hluti af lánastarfsemi Uppgreiðslur eru eðlilegur hluti af lánastarfsemi og orsakirnar geta verið ýmsar, svo sem breytingar á högum lántakenda, bætt kjör á lánamarkaði eða aukin fasteignaviðskipti. Heildarmyndin skiptir mestu máli Þegar metið er hvort uppgreiðslur séu vandamál þarf að horfa á heildarmyndina, en ekki einblína á uppgreiðslur á móti nýjum útlánum. En eru uppgreiðslur sjóðsins umfram það sem telst eðlilegt fyrir lánasafnið yfir langan tíma? Í tilviki Íbúðalánasjóðs eru uppgreiðslur í mjög eðlilegu horfi. Hafa frekar verið að lækka undanfarin ár. Núverandi uppgreiðslur hjá Íbúðalánasjóði eru því ekki vandamál í sjálfu sér. Einnig verður að taka mið af heildargreiðsluflæði eigna og skulda sjóðsins, ásamt lausafjárstöðu á hverjum tíma, ef draga á réttar ályktanir. Um þessar mundir greiðast skuldir sjóðsins hraðar niður en útlánasafnið. Fyrir vikið nýtast uppgreiðslur í að brúa þann mismun sem er í fjárflæði eigna og skulda. Ennfremur hefur fjár-og áhættustýringu sjóðsins tekist að mestu að varðveita vaxtamun milli vaxtaberandi eigna og skulda þrátt fyrir uppgreiðslur. Ítarlegri umfjöllun má lesa í viðauka með meðfylgjandi mánaðarskýrslu |
|||
|