Glitnir banki hf. - Fyrirtækjafréttir

-Glitnir semur við Saga Capital um viðskiptavakt

Glitnir banki hf. hefur samið við Saga Capital Fjárfestingarbanka um að Saga
Capital annist viðskiptavakt með hlutabréf Glitnis fyrir eigin reikning.  Í því
felst að Saga Capital skuldbindur sig til að setja daglega fram kaup- og
sölutilboð í hlutabréf Glitnis og tryggja þannig seljanleika þeirra. 
 
Í samningi Saga Capital við Glitni skuldbindur bankinn sig til að setja daglega
fram kaup- og sölutilboð í hlutabréf Glitnis (GLB) að lágmarki tvær milljónir
að nafnverði á verði sem Saga Capital ákveður í hvert skipti. Tilboðin eru sett
fram í viðskiptakerfi Kauphallar Íslands, áður en markaður er opnaður og skulu
ekki gilda lengur en innan dagsins. Hámarksmunur á kaup- og sölutilboðum skal
ekki vera meiri en 0,8% og frávik frá síðasta viðskiptaverði ekki meira en
3,0%. Hámarksfjárhæð heildarviðskipta dag hvern skal vera kr. 200 milljónir að
markaðsvirði. Verði tilboði Saga Capital tekið eða það fellt niður, skal Saga
Capital setja fram nýtt tilboð eins fljótt og mögulegt er, þar til
hámarksfjárhæð viðskipta fyrir hvern dag hefur verið náð. 
 
Saga Capital mun hefja viðskiptavaktina frá og með þriðjudegi, 18. desember
2007. 

 
Ef óskað er frekari upplýsinga hafið samband við:
 
Vala Pálsdóttir, forstöðumaður fjárfestatengsla, í síma 440 4989.