|
|||
2008-05-22 01:58:29 CEST 2008-05-22 01:59:57 CEST REGULATED INFORMATION Atorka Group hf. - Ársreikningur- 3 mánaða uppgjör 2008Helstu niðurstöður úr 3 mánaða uppgjöri Atorku Group hf.: Samstæðureikningur: • Tap eftir skatta í samstæðureikningum Atorku Group hf., fyrstu 3 mánuði ársins var 7.168 milljónir króna, sem má að stærstum hluta rekja til mikillar veikingar krónunnar. • Tekjur á fyrstu 3 mánuðum ársins voru 21 milljarðar króna. • Heildareignir samstæðunnar í lok mars voru 120,4 milljarðar króna. • Eigið fé var 2,5 milljarðar í lok mars. Móðurfélagsreikningur: • Tap eftir skatt á fyrsta ársfjórðungi ársins var 1.870 milljónir króna. • Heildareignir í lok mars voru 64,7 milljarðar króna. • Eigið fé var 19,9 milljarðar króna í lok mars. • Eiginfjárhlutfall er um 31% í lok mars. Magnús Jónsson forstjóri Atorku: „Afkoma Atorku fyrstu þrjá mánuði ársins er ásættanleg við krefjandi markaðsaðstæður. Þrátt fyrir lækkun á skráðum eignum þá horfum við bjartsýnum augum á eignasafn félagsins til lengri tíma. Rekstur félaga í eignasafni Atorku gengur vel og er unnið markvisst að uppbyggingu þeirra. Á fjórðungnum jók Atorka við eignarhlut sinn í Geysi Green Energy og erum við nú stærsti hluthafinn með um 44%. Með hækkandi olíuverði og auknum umhverfiskröfum er ljóst að fjárfestingar okkar í endurnýtanlegri orku fela í sér mikil tækifæri til frekari verðmætasköpunar.“ Helstu viðburðir • Atorka jók við eignarhlut sinn í Geysir Green Energy (GGE) og er nú stærsti hluthafinn með um 44% hlut. • Fyrsta borverkefni Heklu Energy GmbH, dótturfélags Jarðborana í Þýskalandi, er komið vel á veg, en boranir hófust í Mauerstetten í Bæjaralandi í lok janúar s.l. Þess er vænst að lokið verði við fyrstu holuna í júní næstkomandi, en áætlað er að bora þar 3-4, 4000-5000 metra djúpar holur. • Jarðboranir fengu í febrúar viðurkennda vottun fyrir gæðastjórnunarkerfi í samræmi við staðalinn ISO 9002:2000. Umhverfismál skipa veigamikinn sess í starfsemi fyrirtækisins. • Promens hefur hafið byggingu nýrrar verskmiðju í Nitra í Slóvakíu fyrir framleiðslu á íhlutum fyrir bílaiðnaðinn. Nýja verksmiðjan kemur í stað eldri verksmiðju í Nitra. Þróunin í framleiðslu bílaíhluta er á þann veg að framleiðslan flyst æ meira til austur Evrópu og annarra svæða með lágan framleiðslukostnað. • Promens hefur lagt aukna áherslu á vöruþróun og hefur félagið m.a. fengið nýsköpunarviðurkenningar frá snyrtivöruframleiðendum fyrir nýjar „air free“ umbúðir sem félagið er með einkaleyfi á. Þær hafa m.a. þann eiginleika að varðveita efnisinnihald frá sólarljósi og súrefni og hafa hlotið góðar viðtökur frá viðskiptavinum m.a. í snyrtivöruiðnaðinum. • Eignarhlutur í Amiad hefur verið aukinn í 24%. Amiad Filtration er leiðandi á alþjóðamarkaði í framleiðslu á vatnshreinsibúnaði. Velta félagsins jókst um 30% á síðasta ári og EBIT um 65%. Pantanastaða hjá Amiad er mjög góð. • Eignarhlutur í Romag hefur verið aukinn í rúmlega 23%. Romag er leiðandi framleiðandi á sérhæfðum glerlausnum og hefur m.a. þróað gler sem nýtir birtu til rafmagnsframleiðslu. Velta Romag á fyrri hluta núverandi fjárhagsárs jókst um 69% og hagnaður um 21%. Félagið hefur aukið markaðshlutdeild sína á meginlandi Evrópu. Romag gerði m.a. nýlega samning við Gulf International Trading Group með þann tilgang að útvíkka markaðssvæði sitt til Sameinuðu arabísku furstadæmanna og nærliggjandi landa. • Eignarhlutur í Asian Environment Holdings hefur verið aukinn í rúmlega 17%. Félagið keypti verksmiðju með framleiðslugetu upp á 85.000m3/dag og stækkun upp í 135.000m3/dag og mun félagið eiga og reka vatnshreinsistöðina í 30 ár. Heildarvirði fjárfestingarinnar nemur um 34 milljónum dollara. • Afkoma og starfsemi Atorku endurspeglast í móðurfélagsreikningi en ekki í samstæðureikningi. Því eru ákvarðanir teknar út frá móðurfélaginu til að mynda gengisvarnir sem verja fjárfestingar móðurfélagsins fyrir sveiflum á gjaldeyrismarkaði en koma nú fram sem tap í samstæðureikningi við veikingu krónunnar. • Þær lækkanir sem áttu sér stað á fyrsta ársfjórðungi hafa að hluta gengið til baka og nemur hagnaður móðurfélagsins yfir 900 milljónum króna það sem af er af öðrum ársfjórðungi. • Félagið er vel fjármagnað á hagstæðum kjörum og er með trygga fjármögnun fram yfir mitt ár 2009. • Fyrir lok fjórðungsins var innleystur stærstur hluti gengishagnaðar vegna veikingar krónunnar. • Lausafjárstaða félagsins er góð og var staðan um 11 milljarðar króna í lok mars 2008. Framtíðarhorfur Horfur í fjárfestingarverkefnum Atorku eru góðar. Áfram verður lögð áhersla á að styðja og stækka þau fjárfestingarverkefni sem eru í eignasafni félagsins. Flest fjárfestingarverkefni Atorku eru tiltölulega lítið háð hagsveiflum og eru félögin flest starfandi á vaxtarmörkuðum. Unnið er að hraðri uppbyggingu hjá Geysi Green Energy og sér Atorka mikil tækifæri í frekari verðmætasköpun í því félagi. Promens mun áfram vinna að frekari vexti með „buy and build“ með áherslu á Austur Evrópu. Sterk fjárhagsstaða Atorku gefur félaginu tækifæri á að styðja við núverandi fjárfestingarverkefni ásamt því að skoða ný tækifæri sem skapast hafa við núverandi markaðsaðstæður. Nánari upplýsingar veita; Magnús Jónsson, forstjóri í síma 540 6200 Valdís Arnardóttir forstöðumaður samskiptasviðs í síma 840 6217 Reikninga Atorku Group má finna á heimasíðu félagsins www.atorka.is |
|||
|