Exista hf. - Ársreikningur

- Kynning á ársuppgjöri 2007 og aðalfundur 2008

Exista hf. mun birta afkomu ársins 2007 eftir lokun markaða fimmtudaginn 31.
janúar nk. 

Kynningarfundur í Reykjavík 1. febrúar

Kynning á ársuppgjöri 2007 fer fram föstudaginn 1. febrúar og hefst
stundvíslega kl. 8:30. Þar munu stjórnendur félagsins gera grein fyrir
ársreikningnum og svara fyrirspurnum. 

Kynningin fer fram í höfuðstöðvum félagsins að Ármúla 3. Húsið opnar kl. 8:00
og verður boðið upp á léttan morgunverð áður en fundurinn hefst. 

Kynningarfundurinn fer fram á ensku og er opinn hluthöfum og öðrum
markaðsaðilum. 


Netvarp og símafundur 1. febrúar

Kynningarfundinum í Reykjavík verður varpað í beinni útsendingu á vef félagsins
www.exista.com og hefst netvarpið kl. 8:30. 

Jafnframt er hægt að taka þátt í fundinum símleiðis og leggja fram spurningar
með því að hringja í síma 800 8660 eða +44 (0)20 3043 2436 (breskt númer). 

Eftir fundinn má nálgast kynningarefni og upptöku af fundinum á vefsíðu Exista,
www.exista.com 

Kynningarfundur í London 4. febrúar

Kynning á ársuppgjöri 2007 fer fram á skrifstofum Exista í London mánudaginn 4.
febrúar og hefst kl. 9:00. Þar munu stjórnendur félagsins gera grein fyrir
ársreikningnum og svara fyrirspurnum. 

Fundurinn fer fram á skrifstofu félagsins að 3 Sheldon Square, Paddington
Central, London W2 6HY. Skráning hefst kl. 8:30 og verður boðið upp á léttan
morgunverð áður en  fundur hefst. 

Aðalfundur 2008
Aðalfundur Exista hf. verður haldinn fimmtudaginn 28. febrúar 2008, kl. 17:00 á
hótel Hilton Reykjavík Nordica. Fundurinn verður nánar auglýstur síðar.