|
|||
![]() |
|||
2016-06-29 13:50:49 CEST 2016-06-29 13:50:49 CEST REGULATED INFORMATION Landsvirkjun - FyrirtækjafréttirLandsvirkjun semur um lán frá Norræna fjárfestingabankanumLandsvirkjun og Norræni fjárfestingabankinn (NIB) hafa undirritað samning um 50 milljóna Bandaríkjadollara langtímalán án ríkisábyrgðar vegna byggingar Þeistareykjavirkjunar. Með þessari lánveitingu ásamt láni frá Evrópska fjárfestingabankanum sem gengið var frá á dögunum er fjármögnun Þeistareykjavirkjunar nú að fullu lokið. Lánið er til 16 ára og er veitt til að fjármagna byggingu Þeistareykjavirkjunar, sem verður 90MWe. Jarðhitasvæðið við Þeistareyki býður upp á mikla möguleika til jarðvarmavinnslu, en áætluð orkuvinnslugeta svæðisins er um 200 MWe. Norræni fjárfestingabankinn er alþjóðleg fjármálastofnun í eigu átta aðildarríkja: Danmerkur, Eistlands, Finnlands, Íslands, Lettlands, Litháen, Noregs og Svíþjóðar. Bankinn lánar til opinberra og einkaverkefna jafnt innan sem utan aðildarríkjanna. Hörður Arnarson, forstjóri Landsvirkjunar: „Það er afar ánægjulegt að Norræni fjárfestingabankinn skuli sýna okkur það traust og þann stuðning sem þessi lánveiting ber vitni um. Framkvæmdir á Þeistareykjum ganga vel og mun stöðin hefja rekstur á haustmánuðum 2017. Við gerum ráð fyrir að Þeistareykjastöð verði mikil lyftistöng fyrir iðnað og atvinnulíf á Norðausturlandi.“ Frekari upplýsingar: Magnús Þór Gylfason Yfirmaður samskiptasviðs Magnus.Thor.Gylfason@landsvirkjun.is 515-9000 |
|||
|