|
|||
![]() |
|||
2016-10-31 18:30:17 CET 2016-10-31 18:30:17 CET SÄÄNNELTY TIETO Lánamál ríkisins - FyrirtækjafréttirReglur nr. 892/2016 um breytingu á reglum nr. 490/2016, um bindingu reiðufjár vegna nýs innstreymis erlends gjaldeyris, með síðari breytingumTil upplýsinga voru birtar í dag á vef Stjórnartíðinda reglur um breytingu á reglum Seðlabanka Íslands nr. 490/2016 um bindingu reiðufjár vegna nýs innstreymis erlends gjaldeyris, með síðari breytingum. Með reglunum voru gerðar breytingar á 2. og 3. gr. reglnanna. Í fyrsta lagi eru gerðar breytingar á bindingargrunni skv. 1., 3. og 4. tölul. 2. gr. reglnanna þar sem innstæður í innlendum gjaldeyri eru einungis háðar bindingarskyldu þegar ársvextir eru 3,00% eða hærri. Þetta er til samræmis við breytingar sem gerðar voru á bindingargrunni skv. 2. og 5. tölul. 2. gr. reglnanna með reglum nr. 537/2016, um breytingu á reglum nr. 490/2016, sem tóku gildi hinn 15. júní 2016. Í öðru lagi er tilvísun til 13. gr. f laga nr. 87/1992, um gjaldeyrismál, í 2. tölul. 2. gr. reglnanna felld brott til samræmis við nýlegar breytingar á lögunum. Í þriðja lagi eru gerðar breytingar á bindingargrunni skv. 3. og 5. tölul. 2. gr. reglnanna sem snýr að því að undanþiggja fjárfestingar í hlutdeildarskírteinum tiltekinna sjóða frá bindingarskyldu samkvæmt ákvæðunum. Þá eru í fjórða lagi gerðar breytingar á orðalagi 4. tölul. 2. gr. reglnanna til áréttingar sem hafa ekki efnislega breytingu í för með sér. Að lokum er einstaklingum veitt undanþága frá bindingarskyldu upp að nánar tilgreindu fjárhæðarmarki skv. 3. gr. reglnanna, að því tilskildu að þeir séu raunverulegir eigendur umræddra fjármuna. Hjálagt er afrit af reglunum á íslensku og með enskri þýðingu. Reglurnar má sömuleiðis finna á vefsíðu Stjórnartíðinda, sbr. eftirfarandi vefslóð: https://www.stjornartidindi.is/Advert.aspx?RecordID=2901dba6-c3c3-4fd4-8f1e-7c87 887a52ce Öllum spurningum og athugasemdum í tengslum við framangreindar breytingar má beina á netfangið hb24@sedlabanki.is. |
|||
|