|
|||
![]() |
|||
2007-12-13 16:32:29 CET 2007-12-13 16:32:29 CET SÄÄNNELTY TIETO FL GROUP hf. - FyrirtækjafréttirFjármálaeftirlitið hafnar umsókn FL Group og Jötuns Holding-Virkur eignarhlutur FL Group í Glitni banka áfram 32,99%- Fjármálaeftirlitið (“FME“) hefur hafnað sameiginlegri umsókn FL Group og Jötuns Holding, um heimild til að fara með allt að 39,9% eignarhlut í Glitni banka. Þann 1.júní 2007, sóttu félögin um heimild FME til að fara með allt að 39,9% eignarhlut í bankanum, sem kom í kjölfar hluthafasamkomulags þeirra og fól í sér samstarf um kjör stjórnarmanna. Heimild FL Group til að fara með allt að 33% eignarhlut í bankanum stendur óbreytt og hefur ákvörðun FME ekki áhrif á þá yfirlýstu stefnu félagsins um að vera langtíma kjölfestufjárfestir í Glitni. Núverandi eignarhlutur FL Group í Glitni er 31,97%. Samkvæmt yfirlýsingu Jötun Holdings, sem send var FL Group í dag, segir m.a. að félagið hafi afsalað sér atkvæðisrétti sínum í bankanum og hefur án aðkomu FL Group hafið viðræður við FME um næstu skref, sem m.a. getur falið í sér minnkun á eignarhlut Jötuns í bankanum. Samhliða framangreindu ferli hyggjast eigendur Jötuns skoða mögulega skiptingu eignarhluta félagsins í Glitni á milli sín, en eignarhlutur einstakra hlutahafa verður eftir sem áður án atkvæðisréttar. Eignarhlutur Jötuns Holding í bankanum er 6,85% og er félagið í eigu Baugs Group, Fons og West Coast Capital. Yfirlýsing Jötuns Holdings til FL Group er í viðhengi með þessarri frétt. Nánari upplýsingar veita: Halldór Kristmannsson Framkvæmdastjóri Samskiptasviðs Sími: +354 591 4400 / 669 4476 Tölvupóstfang: halldor@flgroup.is Um FL Group FL Group er alþjóðlegt fjárfestingafélag með áherslu á þrjú fjárfestingasvið, FIG, Private Equity og Capital Markets. FIG hefur umsjón með áhrifafjárfestingum í fjármálafyrirtækjum og tryggingafélögum. Private Equity heldur utan um óskráðar eignir ásamt skráðum eignum sem falla að fjárfestingarstefnu félagsins. Capital Markets svið félagsins hefur umsjón með markaðsviðskiptum sem lúta að skammtíma fjárfestingum sem og framkvæmd afleiðu- og verðbréfaviðskipta tengdum eignasafni félagsins Höfuðstöðvar FL Group eru í Reykjavík en félagið er einnig með skrifstofu í London. FL Group fjárfestir í félögum um allan heim en leggur sérstaka áherslu á fjárfestingar í Evrópu. FL Group er skráð á OMX Nordic Exchange í Reykjavík (OMX: FL) og hluthafar félagsins eru rúmlega 4.000 talsins. Frekari upplýsingar er að finna á heimasíðu FL Group, www.flgroup.is. |
|||
|