Arion Bank hf. - Aðrar upplýsingar sem birtar eru í samræmi við reglur Kauphallarinnar

Arion banki greiðir niður skuldabréf um 10 milljarð króna

Þann 20. janúar greiðir Arion banki inn á höfuðstól skuldabréfs 92.664.000
bandaríkjadali, auk áfallinna vaxta, að jafnvirði um 10 milljarða íslenskra
króna. Höfuðstóll skuldabréfs nam 747.481.000 bandaríkjadölum (97 milljarðar
kr.) við útgáfu  í janúar 2016. Greiðslan kemur til viðbótar við greiðslur frá
því í maí 2016 að fjárhæð 252.697.000 bandaríkjadala og desember 2016 að
fjárhæð 237.120.000 bandaríkjadala. Höfuðstóll skuldabréfs eftir framangreindar
greiðslur er 165.000.000 bandaríkjadala. Skuldabréfið er í eigu Kaupþings og
var útgáfa þess liður í aðgerðum sem sneru að losun fjármagnshafta. 

Greiðslan er í samræmi við ákvæði skuldabréfs sem kveður á um skyldu Arion
banka um að greiða inn á höfuðstól skuldabréfs við erlenda skuldabréfaútgáfu
bankans.  Greiðslan nú er í samræmi við skyldu Arion banka eftir útgáfu
skuldabréfs þann 10. janúar 2017 þegar fyrri útgáfa frá 1. desember 2016 var
aukin um 200 milljónir evra. 

Nánari upplýsingar veitir Haraldur Guðni Eiðsson, forstöðumaður samskiptasviðs
Arion banka, haraldur.eidsson@arionbankis, s: 856 7108.