|
|||
![]() |
|||
2015-04-29 18:40:54 CEST 2015-04-29 18:41:55 CEST REGULATED INFORMATION Icelandair Group hf. - ÁrsreikningurAfkoma á fyrsta ársfjórðungi umfram væntingar-- EBITDA var neikvæð um 2,3 milljónir USD en var neikvæð um 13,3 milljónir USD á fyrsta ársfjórðungi 2014. -- Mikil farþegaaukning, góð nýting og lægra eldsneytisverð skýrir að mestu afkomubatann milli ára. -- Flutningatekjur jukust um 6%, en heildartekjur drógust saman um 3% -- Eiginfjárhlutfall var 34% í lok mars. -- Handbært fé frá rekstri 117,7 milljónir USD samanborið við 121,4 milljónir USD árið áður. Björgólfur Jóhannsson, forstjóri „Afkoma á fyrsta ársfjórðungi var umfram áætlanir okkar og töluvert umfram afkomu fyrsta ársfjórðungs 2014. Helstu skýringar eru mikil aukning farþega í millilandaflugi og góð nýting bæði í fluginu og á hótelum félagsins, auk þess sem lægra eldsneytisverð hefur talsverð áhrif á samanburð við fyrra ár. Framboðsaukning á tímabilinu var 12% en á sama tíma jókst fjöldi farþega um 19%. Sætanýting var 79,2% og hefur aldrei verið hærri á fyrsta ársfjórðungi. Herbergjanýting á hótelum félagsins var einnig mjög góð eða 75,2% samanborið við 67,3% á fyrsta ársfjórðungi síðasta árs. Icelandair Group hefur verið í fararbroddi að byggja upp ferðaþjónustu á Íslandi utan háannar og sýna þessar nýtingatölur frá hótelunum árangurinn af starfi okkar. Rekstur annarrar starfsemi samstæðunnar gekk einnig vel á fjórðungnum. Rekstur félagsins er mjög háður ytri aðstæðum, svo sem sveiflum á gengi gjaldmiðla og eldsneytisverði. Styrking Bandaríkjadals gagnvart Evrópumyntum hefur í för með sér neikvæð áhrif á afkomu félagsins, sérstaklega á háannatíma. Í upphafi árs gáfum við út EBITDA spá sem nam USD 160-165 milljónum. Sú spá byggði á að gengiskrossinn milli EUR/USD yrði að meðaltali 1,15 á árinu, en uppfærðar forsendur gera ráð fyrir að krossinn verði að meðaltali 1,07 á síðustu níu mánuðum ársins. Þá gerum við ráð fyrir að eldsneytisverð án tillits til varna lækki frá upphaflegri spá og verði 600 USD/tonn á síðustu þremur fjórðungum ársins. Að teknu tilliti til þessa er EBITDA spá fyrir árið í heild óbreytt, þrátt fyrir að afkoman hafi verið umfram væntingar á fyrsta fjórðungi.“ Frekari upplýsingar veita: Björgólfur Jóhannsson, forstjóri bubbi@icelandairgroup.is 896 1455 Bogi Nils Bogason, framkvæmdastjóri fjármála bogi@icelandairgroup.is 665 8801 |
|||
|