Landsbanki Íslands hf. - Fyrirtækjafréttir

Skýrsla Fitch um lánshæfismat Landsbankans (A / F1 / B/C / stable)

Lánshæfismatsfyrirtækið Fitch Rating staðfesti í gær óbreytta lánshæfiseinkunn
Landsbankans sem: langtímaskuldbindingar A, skammtímaeinkunn F1, stuðningur 2
og fjárhagslegur styrkur B/C. Horfur lánshæfismatsins eru stöðugar. 

Í meðfylgjandi skýrslu tekur Fitch það fram að lánshæfismatseinkunnin
endurspegli 
leiðandi stöðu Landsbankans á heimamarkaði, aukna fjölbreytni í tekjum bankans,
varkár afskriftarframlög, góða eiginfjárstöðu og bættar fjármögnunarleiðir. Í
matinu er einnig tekið tillit til þess að hlutabréfastöður bankans eru enn
umtalsverðar og hugsanlegt umrót á innanlandsmarkaði og í annarri starfsemi 
tengdri fjármálamörkuðum. 

Sjá nánar í meðfylgjandi skýrslu og fréttatilkynningu frá Fitch. Frekari
upplýsingar um lánshæfismatseinkunnir Landsbankans má finna hér:
www.landsbanki.is/english/investorrelations/debtinvestors/creditratings 
 

Frekari upplýsingar veita:
Bankastjórar Landsbankans, Sigurjón Þ. Árnason s. 898 0177 og Halldór J.
Kristjánsson í s. 820 6399 og Brynjólfur Helgason, framkvæmdastjóri
Alþjóðasviðs í s. 820-6340.

Attachments:

fitch - landsbanki credit analysis 23 nov 07.pdf

fitch - landsbanki rating affirmation 22 nov2007.pdf