Exista hf. - Heildarfjöldi atkvæða og heildarfjöldi hluta

Exista hefur viðræður um hækkun hlutafjár

Stjórn Exista hf. samþykkti á fundi sínum í dag að hefja viðræður við
einkahlutafélag í eigu Ágústs Guðmundssonar og Lýðs Guðmundssonar um kaup
Exista á öllu hlutafé í Kvakki ehf. og í framhaldi af því að nýta heimild
hluthafafundar Exista frá 30. október sl. um að auka hlutafé í félaginu um 50
milljarða hluta til greiðslu fyrir hluti í Kvakki ehf. 

Tilgangur Kvakks ehf. er varsla handbærs fjár. Ofangreindar viðræður fela í sér
að Ágúst og Lýður Guðmundssynir leggi handbært fé Kvakks ehf. til Exista í
skiptum fyrir nýtt hlutafé í félaginu. Markmiðið með viðræðunum er að styðja
við eiginfjárgrunn Exista og að auka handbært fé og styrkja frekar stöðu
félagsins í viðræðum sem nú standa yfir við fjármálastofnanir og lánardrottna. 

Auk þess samþykkti stjórn Exista að boða til hluthafafundar eigi síðar en 31.
desember 2008 þar sem lögð verður fram tillaga um niðurfærslu á hlutafé
félagsins. Dagsetning og dagskrá hluthafafundar verður auglýst síðar. 


Nánari upplýsingar:

Samskiptasvið Exista
Sigurður Nordal
framkvæmdarstjóri
Sími: 550 8620
ir@exista.com