Icelandair Group hf. - Fyrirtækjafréttir

Icelandair Group hf. gerir samning um viðskiptavakt við Landsbankann

Icelandair Group hf (ICEAIR) hefur gert samning við NBI hf (Landsbankann) um
viðskiptavakt á útgefnum hlutabréfum félagsins sem skráð eru í NASDAQ OMX
Nordic. Samningurinn tekur gildi frá og með 11. janúar og er hann ótímabundinn
en uppsegjanlegur með eins mánaðar fyrirvara. Tilgangur samningsins er að efla
viðskipti með hlutabréf ICEAIR í NASDAQ OMX Nordic í því skyni að markaðsverð
skapist á hlutabréfunum og verðmyndun verði með skilvirkum og gagnsæjum hætti. 


Landsbankinn mun daglega setja fram, í eigin reikning, kaup- og sölutilboð í
hlutafé ICEAIR, að lágmarki kr. 2.000.000 að nafnvirði á gengi sem Landsbankinn
ákveður í hvert skipti. Hámarksmunur á kaup- og sölutilboðum skal ekki vera
meiri en 1,5% og frávik frá síðasta viðskiptaverði ekki meira en 3%. Tilboðin
skulu endurnýjuð innan 15 mínútna eftir að þeim er tekið að fullu. Breytist
verð ICEAIR innan dagsins um meira en 10% er Landsbankanum heimilt að tvöfalda
hámarks mun á kaup- og sölutilboðum það sem eftir er dagsins. Hámarksfjárhæð
viðskipta dag hvern sem Landsbankinn er skuldbundinn til að kaupa eða selja
skal vera kr. 80.000.000,- að markaðsvirði.