|
|||
![]() |
|||
2007-11-30 10:45:24 CET 2007-11-30 10:45:24 CET REGULATED INFORMATION FL GROUP hf. - FyrirtækjafréttirFL Group selur í AMRFL Group hefur selt stærstan hluta eignar sinnar í AMR, móðurfélagi American Airlines. Sala bréfanna er í samræmi við stefnu FL Group að auka fjölbreytni eignasafns síns og mun félagið í kjölfarið skoða áhugaverð fjárfestingatækifæri á markaði. Sala hlutarins styrkir sjóðsstöðu FL Group um 10 milljarða króna. Frá því að FL Group hóf að fjárfesta í AMR í lok árs 2006 hefur rekstur félagsins verið með miklum ágætum og tekið stakkaskiptum frá fyrri árum. FL Group sendi opinbert bréf til stjórnar AMR í september, þar sem það kynnti tillögur sínar um hvernig mætti auka virði félagsins, m.a. með sölu vildarklúbbs félagsins og aukinni upplýsingagjöf. Í kjölfarið fór af stað mikil fjölmiðlaumræða í Bandaríkjunum; um væntanlega samþjöppun á markaði, aukna upplýsingagjöf til fjárfesta og sölu eininga sem ekki falla undir kjarnastarfsemi flugfélaganna. Umræðan leiddi einnig til þess að aðrir hluthafar AMR og annarra flugfélaga stigu fram með svipaðar áherslur. Þann 28. nóvember síðastliðinn tilkynnti AMR um fyrirhugaða sölu á dótturfélagi sínu, American Eagle, sem áætlað er að ljúki á næsta ári. Umfjallanir greiningaraðila í Bandaríkjunum hafa að miklu leyti verið í samræmi við áherslur FL Group, sem telja falin tækifæri liggja í rekstri AMR. Hinsvegar hafa hlutabréf í félaginu lækkað umtalsvert á árinu en þá lækkun má að mestu skýra með mikilli hækkun olíuverðs og spám markaðsaðila um minni hagvöxt í Bandaríkjunum. Til að mynda hefur hráolíuverð í Bandaríkjunum hækkað um 60% á árinu. Þrátt fyrir að jákvæð skref hafi verið stigin af hálfu stjórnar AMR til að auka virði hluthafa félagsins og jákvæða umræðu í Bandaríkjunum, telur FL Group að of mikil óvissa ríki um þau áform og hvenær þeim yrði hrint í framkvæmd. Auk þess eru blikur á lofti um áframhaldandi hækkun olíuverðs og hugsanlegan samdrátt í bandarísku efnahagslífi. Í því ljósi var það ákvörðun félagsins að selja megnið af hlut sínum í AMR og skoða aðra fjárfestingakosti á markaði í kjölfarið. Fjárhagsleg áhrif Í lok þriðja ársfjórðungs var markaðsvirði hlutar FL Group í AMR um 31,2 milljarðar króna. Á árinu 2007 hefur eignin lækkað um 15 milljarða króna, þar af hafa um 13 milljarðar nú þegar verið gjaldfærðir á fyrstu níu mánuðum ársins. Eftir söluna á félagið um 1,1% eignarhlut í AMR. Frekari upplýsingar veitir: Halldór Kristmannsson Framkvæmdastjóri Samskiptasviðs Sími: 591 4400 / 669 4476 Póstfang: halldor@flgroup.is Um FL Group FL Group er alþjóðlegt fjárfestingafélag með áherslu á þrjú fjárfestingasvið, FIG, Private Equity og Capital Markets. FIG hefur umsjón með áhrifafjárfestingum í fjármálafyrirtækjum og tryggingafélögum. Private Equity heldur utan um óskráðar eignir ásamt skráðum eignum sem falla að fjárfestingarstefnu félagsins. Capital Markets svið félagsins hefur umsjón með markaðsviðskiptum sem lúta að skammtíma fjárfestingum sem og framkvæmd afleiðu- og verðbréfaviðskipta tengdum eignasafni félagsins Höfuðstöðvar FL Group eru í Reykjavík en félagið er einnig með skrifstofur í London og Kaupmannahöfn. FL Group fjárfestir í félögum um allan heim en leggur sérstaka áherslu á fjárfestingar í Evrópu. FL Group er skráð á OMX Nordic Exchange í Reykjavík (OMX: FL) og hluthafar félagsins eru rúmlega 4.000 talsins. Frekari upplýsingar er að finna á heimasíðu FL Group, www.flgroup.is. |
|||
|