Eimskipafélag Íslands hf. - Aðrar upplýsingar sem birtar eru í samræmi við reglur Kauphallarinnar

Norsk samkeppnisyfirvöld hafa athugasemdir við kaup Eimskips á Nor Lines

Í dag tilkynntu norsk samkeppnisyfirvöld Eimskip um að þau geri athugasemdir
við kaup Eimskip á norska flutningafyrirtækinu Nor Lines AS. Um er að ræða
bráðabirgðaúrskurð en Eimskip hefur nú 15 viðskiptadaga til að koma með
gagntillögur varðandi kaupin á Nor Lines og í framhaldi af því hafa
samkeppnisyfirvöld aðra 15 viðskiptadaga til að úrskurða endanlega um ákvörðun
sína. Eimskip vinnur nú að því að meta stöðuna með lögmönnum sínum.