Nýherji hf. - Ársreikningur

Tekjur Nýherja aukast um 16% á fyrri árshelmingi og afkoma jákvæð

Nýherji hagnast um 111 mkr á fyrri árshelmingi 2015 og öll félög samstæðunnar
skiluðu hagnaði 

Nýherji kynnti í dag uppgjör annars ársfjórðungs og fyrri árshelmings 2015.
Heildarhagnaður nam 69 mkr á öðrum ársfjórðungi og 111 mkr á fyrri árshelmingi. 

Helstu upplýsingar:

  -- Vöru- og þjónustusala á öðrum ársfjórðungi nam 3.386 mkr (19% tekjuvöxtur
     samanborið við Q2 2014) og 6.649 mkr á fyrri árshelmingi (16% tekjuvöxtur
     samanborið við 1H 2014)  [Q2: 2014:2.853 mkr, 1H 2014: 5.712 mkr]
  -- Framlegð nam 830 mkr (24,5%) í Q2 og 1.638 mkr (24,6%) á fyrrir árshelmingi
     [Q2 2014: 749 mkr (26,3%), 1H 2014 1.502 mkr (26,3%)]
  -- Heildarhagnaður annars ársfjórðungs nam 69 mkr og 111 mkr á fyrri
     árshelmingi [Q2 2014: 69 mkr, 1H 2015: 125 mkr]
  -- EBITDA nam 227 mkr (6,8%) á öðrum ársfjórðungi og 452 (6,8%) á fyrri
     árshelmingi [Q2 2014:207 mkr (7,3%), 1H 2014: 398 (7%)]
  -- Jákvæð rekstrarafkoma var hjá öllum félögum samstæðunnar á fyrri helmingi
     ársins
  -- Jákvæð afkoma á sex seinustu ársfjórðungum



Finnur Oddsson, forstjóri:

„Við erum sátt við rekstur Nýherja og dótturfélaga á öðrum fjórðungi og það sem
af er ári.  Afkoma samstæðunnar á fyrri helmingi árs er yfir áætlunum og betri
en á sama tímabili í fyrra. Það er ánægjulegt að sjá verulegan tekjuvöxt á
milli ára, bæði í vöru- og þjónustusölu innanlands og hjá TEMPO, þar sem
erlendar tekjur halda áfram að aukast hratt.  Hundruð nýrra viðskiptavina
bættust í ört stækkandi hóp á fjórðungnum, en í ljósi aukinna umsvifa er gert
ráð fyrir að að starfsfólki TEMPO fjölgi umtalsvert á árinu. Til að styðja við
frekari vöruþróun, tengslauppbyggingu og markaðsstarf erlendis, verður allt að
fjórðungshlutur í TEMPO settur í söluferli í lok þriðja ársfjórðungs. Góður
gangur er svo í rekstri annarra dótturfélaga Nýherja, sérstaklega í sölu á
nýjum og spennandi mannauðs- og launalausnum frá Applicon á Íslandi og
bankalausnum hjá Applicon í Svíþjóð.“ 





Rekstrarniðurstaða á fyrri árshelmingi 2015: Sjá viðhengi.

Attachments:

2015.08.26 Uppgjor annars arsfjorung og fyrri hluta ars 2015.pdf

Nyherji arshlutareikningur 30.6.2015.pdf