Kaupþing banki hf. - Fyrirtækjafréttir

- Viðskiptavakt með hlutabréf Kaupþings

Landsbanki Íslands hf. (Landsbanki) hefur hafið viðskiptavakt fyrir eigin
reikning með hlutabréf Kaupþings banka hf. (Kaupþings). 
 
Samningurinn felur í sér að sett verða fram daglega kaup- og sölutilboð í
hlutabréf Kaupþings banka hf. í því skyni að markaðsverð skapist á
hlutabréfunum og verðmyndun verði með skilvirkum og gagnsæjum hætti. Tilboð eru
sett fram í  viðskiptakerfi OMX Nordic Exchange á Íslandi, áður en markaður er
opnaður og skulu ekki gilda lengur en innan dagsins. 

Skilmálar viðskiptavakasamningsins eru eftirfarandi:

Landsbankinn skuldbindur sig til að setja daglega fram kaup- og sölutilboð í
hlutabréf Kaupþings banka hf. að lágmarki 40.000 hlutir (hver hlutur er 10,0
kr. að nafnverði) og skulu tilboð vera á því gengi sem Landsbankinn ákveður í
hvert skipti. 

Hámarksmunur á kaup- og sölutilboðum skal ekki vera meiri en 1,0% og frávik frá
síðasta viðskiptaverði ekki meira en 3,0%. 

Hámarksfjárhæð heildarviðskipta sem Landsbankinn skuldbindur sig til að vera
þátttakandi að dag hvern skal vera kr. 400.000.000,- að markaðsverði. 

Landsbankinn hóf viðskiptavaktina þann 21. janúar 2008.