Skipti hf. - Breyting á stjórn/framkvæmdastjórn/endurskoðendum

Nýr forstjóri Skipta

Kristín Guðmundsdóttir hefur verið ráðin forstjóri Skipta hf. Hún hefur starfað
sem fjármálastjóri félagsins undanfarin átta ár og jafnframt verið staðgengill
forstjóra á þeim tíma. Hún mun taka við nýju starfi frá og með deginum í dag.
Kristín mun starfa náið með stjórn félagsins og eigendum að því að móta
framtíðarstefnu fyrir Skipti en miklar breytingar hafa orðið í rekstrarumhverfi
félagsins undanfarin misseri líkt og annarra íslenskra fyrirtækja. Þá hefur
Óskar Hauksson verið ráðinn fjármálastjóri félagsins frá sama tíma.