|
|||
2014-02-11 18:01:35 CET 2014-02-11 18:02:36 CET REGULATED INFORMATION Marel hf. - HluthafafundirAðalfundur Marel hf. 2014Aðalfundur Marel hf. verður haldinn í höfuðstöðvum félagsins að Austurhrauni 9, 210 Garðabæ, miðvikudaginn 5. mars nk., kl. 16:00. Dagskrá: -- Venjuleg aðalfundarstörf samkvæmt grein 4.13 í samþykktum félagsins. -- Breytingar á samþykktum félagsins: -- Grein 4.20 varðandi form og tímafresti á tillögum frá hluthöfum til hluthafafundar verði aðlöguð að breytingum sem gerðar hafa verið á 86. gr. laga um hlutafélög nr. 2/1995; -- Grein 5.1 varðandi fjölda stjórnarmanna í félaginu verði breytt á þann hátt að fjöldi þeirra fari úr 7-9 í 5-7; -- Grein 11.1 varðandi eigin hluti verði aðlöguð að breytingum sem gerðar hafa verið á 2. mgr. 55. gr. laga um hlutafélög nr. 2/1995; -- Grein 15.1 verði breytt þannig að stjórn félagsins hafi heimild til útgáfu nýrra hluta í tengslum við kaupréttarsamninga starfsmanna að nafnverði allt að kr. 35.000.000 og gildi heimildin í fimm ár frá samþykki hennar; -- Grein 15.2 verði breytt þannig að stjórn félagsins hafi heimild til útgáfu nýrra hlutabréfa að nafnverði allt að 100.000.000 og gildi heimildin í fimm ár frá samþykki hennar. -- Tillaga um að heimila félaginu að kaupa eigin hlutabréf. -- Önnur mál, löglega borin fram. Fundarstörf munu fara fram á ensku. Sérstaklega er bent á að þeir sem hyggjast gefa kost á sér til setu í stjórn skulu tilkynna það skriflega til stjórnar félagsins að minnsta kosti fimm sólarhringum fyrir upphaf aðalfundar. Til þess að tillögur frá hluthöfum sem leggja á fyrir á fundinum verði teknar þar til umræðu verður að skila þeim til stjórnar félagsins eigi síðar en sjö dögum fyrir fundinn. Frekari upplýsingar um tímafresti þá sem gilda í tengslum við rétt hluthafa til að fá mál sett á dagskrá hluthafafundar, leggja fram ályktunartillögur fyrir fundinn, o.fl. er að finna á aðalfundarvef félagsins, www.marel.com/agm. Þar er jafnframt að finna allar frekari upplýsingar í tengslum við aðalfundinn, þ.m.t. drög að dagskrá fundarins, tillögur stjórnar félagsins, ársreikning félagsins fyrir árið 2013, upplýsingar um heildarfjölda hluta og atkvæðafjölda í félaginu m.v. 11. febrúar 2014, umboðsform auk upplýsinga um skjöl sem lögð verða fyrir fundinn. Endanleg dagskrá fundarins og tillögur verða aðgengilegar hluthöfum sjö dögum fyrir fundinn á framangreindum aðalfundarvef félagsins sem og á skrifstofu félagsins að Austurhrauni 9, 210 Garðabæ. Umboðsmenn hluthafa skulu framvísa skriflegum umboðum við inngang. Atkvæðaseðlar og önnur gögn verða aðgengileg á fundarstað frá kl. 15.30. Stjórn Marel hf. |
|||
|