|
|||
2008-10-14 12:47:21 CEST 2008-10-14 12:48:21 CEST REGULATED INFORMATION Marel Food Systems hf. - FyrirtækjafréttirLokað hlutafjárútboðMarel Food Systems hf. er í hópi stærstu útflutningsfyrirtækja landsins og í fararbroddi í þróun tækja til matvælaframleiðslu í heiminu. Hjá félaginu starfa um 4.000 manns og um 99% tekna félagsins koma erlendis frá. Ársvelta í ár er áætluð um 650 milljónir evra og markmið um 9% EBIT stendur óhaggað. Félagið hefur vaxið undanfarin ár í samræmi við framtíðarsýn sem var birt í ársbyrjun 2006. Vöxtur félagsins hefur verið fjármagnaður með auknu eigin fé og langtímalánum. Fram undan er tímabil þar sem einblínt verður á aukinn innri vöxt og sterkt sjóðstreymi. Stórn félagsins ákvað á stjórnarfundi þann 14. október að bjóða 20 - 30 milljónir hluta í lokuðu hlutafjárútboði til hæfra fjárfesta til að styrkja enn frekar fjárhag félagsins og auka viðskipti með hlutabréf þess. Verð nýju hlutanna verður á bilinu 70 til 72 krónur á hlut (“book-building”), en síðustu viðskipti með bréf félagsins voru á genginu 71,7 krónur á hlut. Nýi Landsbanki Íslands hf. mun taka við áskriftum frá kl. 11:00 í dag 14. október 2008, og til kl. 16.00 þann 16. október 2008. Marel Food Systems hf. mun, í samráði við Nýja Landsbanka Íslands hf., úthluta nýjum hlutum og áskilur sér rétt til þess að hafna einstökum áskriftum, að hluta til eða öllu leyti. Stjórn Marel Food Systems hf. mun nýta heimild til hlutafjárhækkunar sem veitt var á aðalfundi félagsins 7. mars 2008, þar sem hluthafar félagsins féllu frá forgangsrétti að hinum nýju hlutum. Nánari upplýsingar veita: Hörður Arnarson, forstjóri Marel Food Systems hf., í síma 563-8072 Arnar Arnarsson, fjármálasvið, Nýi Landsbanki Íslands hf., í síma 410-7336 |
|||
|