Landsbankinn hf. - Fyrirtækjafréttir

Landsbankinn hf.: Fækkað í framkvæmdastjórn Landsbankans

Jensína Kristín Böðvarsdóttir, framkvæmdastjóri Þróunar og mannauðs í
Landsbankanum, hefur látið af störfum í bankanum samkvæmt  gagnkvæmu
samkomulagi. Landsbankinn hefur unnið að hagræðingu og breytingum á sínum
rekstri og er þessi breyting liður í því. Við þetta fækkar framkvæmdastjórum
bankans í sex. Svið Þróunar og mannauðs verður lagt niður og einingar fluttar
undir aðra í framkvæmdastjórn. 

Jensína var ráðin í stöðu framkvæmdastjóra í Landsbankanum í október 2010. Hún
var um tíma stjórnarformaður Reiknistofu bankanna og hefur setið í stjórn
Frumtaks samhliða starfi sínu og verður áfram fulltrúi bankans þar. 

„Ég vil þakka Jensínu fyrir frábært starf fyrir bankann. Hún hefur verið
öflugur samstarfsmaður og leitt fjölda verkefna við að breyta bankanum.  Það er
eftirsjá að Jensínu og vil ég óska henni alls hins besta í framtíðinni,“ segir
Steinþór Pálsson bankastjóri. 



Nánari upplýsingar:

Kolbrún Guðlaugsdóttir, pr@landsbankinn.is  410 4014 eða 862 3679