Lánamál ríkisins - Fyrirtækjafréttir

Kaupverð ríkistryggðra verðbréfa samfara gjaldeyrisútboði Seðlabanka Íslands þann 16. júní 2016

Í frétt Seðlabanka Íslands frá 25. maí s.l. var tilkynnt að kaupendur erlends
gjaldeyris í útboði Seðlabanka Íslands geti selt bankanum ríkisvíxla, ríkisbréf
og útgáfur með ábyrgð ríkissjóðs til fjármögnunar á gjaldeyriskaupum. Einnig
var tilkynnt á sama tíma að kaupverð fyrrgreindra verðbréfa fyrir evrur í
útboðinu yrði birt á heimasíðu Seðlabanka Íslands í dag. Í meðfylgjandi skjali
má sjá kaupverðið  þar sem uppgjör miðast við 29. júní 2016. 

Aðilar sem samið hafa við Seðlabankann um milligöngu um gjaldeyrisviðskipti
skulu við framlagningu tilboða f.h. viðskiptavina sinna geta um nafn á
ríkisvíxli eða skuldabréfaflokki eins og þau eru skráð í kauphöll Nasdaq
Iceland hf. og kveðið er á um í útboðsskilmálum dags. 25 maí s.l. Í tengslum
við uppgjör viðskiptanna þurfa ríkistryggðu skuldabréfin að berast
Seðlabankanum fyrir kl. 10.00 þann 29. júní 2016. Erlendi gjaldeyririnn verður
afhentur á evrureikning milligönguaðila eftir afhendingu verðbréfanna og eigi
síðar en kl. 16.00 sama dag. Ef aðili á skuldabréf með ríkisábyrgð sem ekki er
í ofangreindri töflu getur hann óskað eftir að milligönguaðili sem hefur
samstarfssamning við Seðlabankann leiti tilboðs um kaupverð á skuldabréfinu
eigi síðar en í dagslok 13. júní n.k. 



Fyrirspurnir er lúta að öllu framangreindu má senda á netfangið
fxauction2016@cb.is

Attachments:

kaupver rikistryggra brefa.pdf