Kvika banki hf. - Aðrar upplýsingar sem birtar eru í samræmi við reglur Kauphallarinnar

Kvika banki hf.: Sala á almennu skuldabréfi og útboð á víxlum bankans mánudaginn 16. desember 2019.

Kvika banki hf. mun bjóða til sölu nýtt almennt skuldabréf í flokknum KVB 19 01 og er stefnt á allt að 2.000 m.kr. útgáfu að nafnvirði og er heildarútgáfuheimild 5.000 m.kr. Skuldabréfið er til fimm ára með jöfnum mánaðarlegum afborgunum höfuðstóls að viðbættum vöxtum en meðalendurgreiðslutími er um 2,5 ár. Vextir skuldabréfsins eru REIBOR 1 mánuður + 1,50% og er selt á pari. Skuldabréfið er gefið út í 20 m.kr. nafnverðseiningum og verður skráð í kauphöll Nasdaq Iceland. Varðandi aðra skilmála er vísað í hjálagða kynningu og rafræna útgáfulýsingu skuldabréfsins. Tekið verður við tilboðum til kl. 16:00 mánudaginn 16. desember. Uppgjörsdagur viðskipta verður 19. desember 2019.

Útboð verður haldið á víxlum bankans í 6 mánaða flokknum KVB 20 06XX að nafnvirði allt að 2.000 m.kr. Útboðinu verður þannig háttað að öll samþykkt tilboð bjóðast fjárfestum á sama verði. Lægsta samþykkta verð (hæstu samþykktu flötu vextir) ræður söluverðinu. Víxlarnir eru gefnir út í 20 m. kr. nafnverðseiningum og verða skráðir í kauphöll Nasdaq Iceland. Tekið verður við tilboðum til kl. 16:00 mánudaginn 16. desember. Uppgjörsdagur viðskipta verður 19. desember 2019.

Hægt er að hafa samband við markaðsviðskipti Kviku í síma 540-3220 eða með tölvupósti á utbod@kvika.is til að fá nánari upplýsingar.

Viðhengi

• KVB 19 01 - Kynning

Attachments:

KVB 19 01 - Kynning.pdf