Eyrir Invest ehf. - Niðurstöður hluthafafunda

Niðurstöður aðalfundar Eyris Invest ehf. 2012

Aðalfundur Eyris Invest ehf. (hér eftir einnig nefnt „félagið“) var haldinn í
húsnæði félagsins að Skólavörðustíg 13, Reykjavík, mánudaginn 12. mars 2012 kl.
12:00. 

  1. Ársreikningur 

Ársreikningur og ársskýrsla félagsins fyrir árið 2011 voru samþykkt.

  1. Tillaga um meðferð hagnaðar

Tillaga stjórnar um að hagnaður rekstrarársins 2011 verði lagður við eigið fé
var samþykkt. 

  1. Fundurinn samþykkti eftirfarandi breytingar á samþykktum félagsins:

16. gr. (fjöldi stjórnarmanna)

Breyting á 1. ml. 1. mgr. 16. gr. samþykkta félagsins um fjölda stjórnarmanna.
Eftir breytingu hljóðar 1. ml. 1. mgr. 16. gr. svo: 

„Stjórn félagsins skal skipuð fimm til sjö mönnum, kjörnum á aðalfundi til eins
árs í senn.” 

5. gr. (heimild stjórnar til að auka hlutafé)

Breyting á 5. gr. samþykkta félagsins - Heimild til stjórnar um hækkun
hlutafjár. Eftir breytingu bætist við 5. grein samþykkta félagsins: 

 „Aðalfundur Eyrir Invest ehf., haldinn þann 12. mars 2012, samþykkir að veita
stjórn félagsins heimild til að auka hlutafé félagsins í einu lagi eða áföngum
um allt að kr.110.000.000 að nafnvirði með útgáfu nýrra hluta. Hluthafar falla
frá forgangsrétti til áskriftar að hinu nýja hlutafé. Stjórn félagsins ákveður
útboðsgengi bréfanna og sölureglur hverju sinni. Skal stjórnin ákveða nafnverð
hinna nýju hluta og gengi þeirra, fresti til áskriftar og greiðslu þeirra, og
skal áskrift í einu og öllu fara fram skv. ákvæðum samþykkta félagsins og V.
kafla laga um einkahlutafélög. Engar hömlur skulu vera á viðskiptum með hina
nýju hluti. Hinir nýju hlutir skulu veita réttindi í félaginu frá
skráningardegi hlutafjárhækkunarinnar. Heimild þessa skal stjórnin nýta innan
fimm ára frá samþykkt hennar í einu lagi eða hlutum.“ 

12. gr. (boðun til hluthafafunda)

Breyting á 1. ml. 1. mgr. 12. gr. um boðun hluthafafunda. Eftir breytingu
hljóðar 1. ml. 1. mgr. 12 svo: 

 „Félagsstjórn skal boða til hluthafafunda með tilkynningu til hvers hluthafa
bréflega eða með tölvupósti.“ 

8. gr. (heimild stjórnar til kaupa á eigin bréfum)

Breyting á  8. gr. um heimild til kaupa á eigin bréfum. Eftir breytingu bætast
eftirfarandi málsgreinar við 8. gr. samþykkta félagsins: 

„Hluthafafundur Eyris Invest ehf., haldinn þann 12. mars 2012, samþykkir að
veita stjórn félagsins heimild til að kaupa eigin hluti. Skal fjöldi hluta vera
að hámarki 10% af heildarhlutum félagsins og skal stjórn vera heimilt að kaupa
þá alla í einu lagi eða í áföngum. Stjórn félagsins ákveður endurgjald fyrir
hvern hlut að teknu tilliti til fyrirliggjandi upplýsinga um verð í viðskiptum
með hluti í félaginu eftir því sem við á. Heimild þessa skal stjórnin nýta
innan fimm ára frá samþykkt hennar í einu lagi eða hlutum.“ 

  1. Starfskjarastefna

Tillaga stjórnar um starfskjarastefnu félagsins var kynnt. Markmið
starfskjarastefnunnar er að ná í, halda og hvetja gott starfsfólk til verka.
Fundurinn samþykkti starfskjara­stefnuna ein­róma. 

  1. Stjórnarkjör

Fundurinn kaus eftirfarandi einstaklinga í stjórn félagsins til næsta
aðalfundar: 

Þórður Magnússon, kt. 150549-4939

Elín Jónsdóttir, kt. 130866-6039

Hermann Már Þórisson, kt. 090872-5409

Jón Helgi Guðmundsson, kt. 200547-3149

Ólafur S. Guðmundsson, kt. 221069-3239

Sigurjón Jónsson, kt. 271249-4629

Formaður stjórnar bauð Elínu Jónsdóttur sérstaklega velkomna sem stjórnarmann
og þakkaði Steinunni Jónsdóttur sem verið hefur varamaður í stjórn undanfarin
ár fyrir hennar framlag. 

Stjórn félagsins hefur skipt með sér verkum og er Þórður Magnússon áfram
stjórnarformaður félagsins. 

  1. Tillaga um endurskoðanda. 

Tillaga stjórnar um að endurskoðunarskrifstofan KPMG ehf. verði endurskoðandi
félagins var 

samþykkt.

  1. Tillaga um stjórnarlaun. 

Tillaga stjórnar um að stjórnarlaun verði kr. 150.000 á mánuði var samþykkt.
Stjórnar­formaður er á launaskrá hjá félaginu og þiggur ekki stjórnarlaun. 

  1. Önnur mál.

Engin önnur mál voru rædd á fundinum.