2017-05-11 19:26:26 CEST
2017-05-11 19:26:26 CEST
REGULATED INFORMATION
Arion Bank hf. - Ársreikningur
Afkoma Arion banka á fyrstu þremur mánuðum ársins 2017
Fyrsti
ársfjórðun
gur 2017
samanborin
n við
fyrsta
ársfjórðun
g 2016:
Höskuldur H. Ólafsson, bankastjóri:
- „Rekstur bankans er stöðugur og bankinn er fjárhagslega sterkur
Rekstrarte eins og 28% eiginfjárhlutfall ber með sér. Fjárfestingar bankans á
kjur 12,5 síðasta ári hafa jákvæð áhrif á rekstur bankans. Má þar meðal
ma.kr. annars nefna aukningu í þóknanatekjum í kjölfar þess að Arion
(12,0 banki tók yfir fjármálaþjónustu á Keflavíkurflugvelli í maí 2016.
ma.kr.) - Einnig aukast tekjur vegna tryggingastarfsemi sem nú er stærri
Hagnaður hluti af starfsemi bankans eftir að kaup á tryggingafélaginu Verði
3,4 ma.kr. gengu í gegn á síðasta ári."
(2,9
ma.kr.)
- Hagnaður
á hlut í
kr. 1,60
(kr. 1,24)
-
Vaxtamunur
(NIM) 2,8%
(3,1%)
- Arðsemi
eiginfjár
6,3%
(5,7%)
-
Kostnaðarh
lutfall
64,4%
(60,2%)
- Hlutfall
eiginfjárþ
áttar A
27,1%
(26,2%)
Hagnaður Arion banka á fyrstu þremur mánuðum ársins 2017 nam 3,4 milljörðum
króna samanborið við 2,9 milljarða króna á sama tímabili 2016. Arðsemi eigin
fjár var 6,3% samanborið við 5,7% fyrir sama tímabil árið 2016.
Heildareignir námu 1.119,7 milljörðum króna í lok mars samanborið við 1.036,0
milljarða króna í árslok 2016 og eigið fé hluthafa bankans nam 214,6 milljörðum
króna í lok mars, samanborið við 211,2 milljarða króna í árslok 2016. Efnahagur
bankans er sterkur og hefur mikil áhersla verið lögð á að tryggja
lausafjárstöðu í tengslum við afnám fjármagnshafta, sem nú er að mestu lokið.
Eiginfjárhlutfall bankans var 28,0% í lok mars en var 27,1% í árslok 2016.
Hlutfall eiginfjárþáttar A hækkaði og nam 27,3% samanborið við 26,5% í árslok
2016.
Helstu rekstrar- og kennitölur bankans eru eftirfarandi:
Í milljónum króna 3 mán. '17 3 mán. '16 Breyt. Breyt.%
Hreinar vaxtatekjur 7.160 7.273 (113) (2%)
Hreinar þóknanatekjur 3.330 3.218 112 3%
Aðrar tekjur 2.023 1.468 555 38%
--------------------------------------------------------------------------------
Rekstrartekjur 12.513 11.959 554 5%
Rekstrarkostnaður (8.056) (7.198) (858) 12%
Bankaskattur (797) (742) (55) 7%
Hrein virðisbreyting 880 (503) 1.383 (275%)
--------------------------------------------------------------------------------
Hagnaður fyrir skatta 4.540 3.516 1.024 29%
Tekjuskattur (1.334) (737) (597) 81%
Afkoma af aflagðri starfsemi eftir 147 104 43 41%
skatta
--------------------------------------------------------------------------------
Hagnaður 3.353 2.883 470 16%
--------------------------------------------------------------------------------
Helstu kennitölur
Arðsemi eigin fjár 6,3% 5,7%
Hagnaður á hlut (í krónum) 1,68 1,24
Vaxtamunur á vaxtaberandi eignir 2,8% 3,1%
Kostnaðarhlutfall 64,4% 60,2%
Helstu efnahags- og kennitölur bankans eru eftirfarandi:
Í milljónum króna 31.03.2017 31.12.2016 Breyt. Breyt.
%
--------------------------------------------------------------------------------
Lán 966.940 880.172 86.768 10%
Aðrar eignir 152.708 155.852 (3.143) (2%)
Skuldir 904.868 824.640 80.228 10%
Eigið fé 214.607 211.212 3.395 2%
Útlán sem hlutfall af innlánum 151,4% 172,9%
Áhættuvegnar eignir sem hlutfall af 66,4% 72,7%
heildareignum
Hlutfall eiginfjárþáttar A 27,3% 26,5%
Höskuldur H. Ólafsson, bankastjóri Arion banka:
„Afkoma Arion banka á fyrsta ársfjórðungi er í takt við væntingar. Rekstur
bankans er stöðugur og bankinn er fjárhagslega sterkur eins og 28%
eiginfjárhlutfall ber með sér. Fjárfestingar bankans á síðasta ári hafa jákvæð
áhrif á rekstur bankans. Má þar meðal annars nefna aukningu í þóknanatekjum í
kjölfar þess að Arion banki tók yfir fjármálaþjónustu á Keflavíkurflugvelli í
maí 2016. Einnig aukast tekjur vegna tryggingastarfsemi sem nú er stærri hluti
af starfsemi bankans eftir að kaup á tryggingafélaginu Verði gengu í gegn á
síðasta ári. Frekari áhrif þeirra kaupa eiga eftir að koma fram eftir því sem
samstarf félaganna á sviði sölu trygginga eykst. Það er jafnframt ánægjulegt að
launakostnaður bankans hækkar aðeins lítillega frá sama tímabili á síðasta ári
þrátt fyrir aukin umsvif.
Þau tímamót áttu sér stað í marsmánuði að nýir hlutafar komu í hluthafahóp
bankans. Um er að ræða áfanga í söluferli bankans en áfram er unnið að sölu
hlutabréfa í bankanum. Líklegt má telja að bankinn verði skráður á markað og að
því loknu verði eignarhald dreift meðal innlendra og erlendra fjárfesta. Ekki
hefur þó verið tekin endanleg ákvörðun um skráningu að svo stöddu. Það er
ánægjulegt að hreyfing sé komin á þessi mál, enda hefur það legið fyrir að
eignarhald bankans, eins og það hefur verið frá árinu 2010, væri tímabundið.
Í janúar tók Nýherji, sem er eitt öflugasta fyrirtæki landsins á þessu sviði,
yfir rekstur upplýsingakerfa bankans. Við teljum mikil tækifæri fólgin í því að
fá til liðs við okkur eitt öflugasta upplýsingatæknifyrirtæki landsins á þessu
sviði. Í kjölfarið hóf á þriðja tug starfsfólks Arion banka störf hjá Nýherja.
Áfram starfa innan bankans um 80 manns á upplýsingatæknisviði, m.a. við þróun
stafrænnar þjónustu bankans og tæknistjórn. Við munum áfram leita eftir
samstarfi við aðra á hinum ýmsu sviðum þar sem samnýting getur leitt til
hagræðis fyrir alla aðila.
Á síðasta ári kynntum við til leiks nýjar stafrænar lausnir sem viðskiptavinir
okkar tóku fagnandi. Má þar til dæmis nefna greiðslumat vegna fasteignakaupa
sem nú er hægt að framkvæma á netinu á örfáum mínútum. Í upphafi þessa árs
kynntum við svo nýtt stafrænt umsóknarferli fyrir íbúðalán sem er mun styttra
og einfaldara en fyrra umsóknarferli. Viðskiptavinir okkar geta nú sótt um
íbúðalán á netinu, án þess að koma í útibú, ef þeir kjósa svo. Í maí munum við
svo kynna fjórar nýjar stafrænar lausnir. Með þessum nýju lausnum erum við að
bregðast við breyttri spurn eftir okkar þjónustu. Við munum halda áfram á
þeirri braut að gera okkar þjónustu aðgengilega á netinu og í síma þannig að
viðskiptavinir geti sinnt sínum fjármálum þegar þeim best hentar.
Arion banki hefur lagt áherslu á fjölbreytta fjármögnun á liðnum árum. Bankinn
stækkaði í janúar skuldabréfaútgáfu frá því í desember 2016 um 200 milljónir
evra og nemur útgáfan nú samtals 500 milljónum evra eða um 60 milljörðum króna.
Sem fyrr var hluti útgáfunnar nýttur til að greiða niður eldri lán. Það er
ánægjulegt að bankanum hefur verið vel tekið á erlendum lánsfjármörkuðum og
útgefnum skuldabréfum bankans hefur vegnað vel á eftirmarkaði sem sýnir vel trú
markaðarins á stöðu og framtíð bankans. Sala hér heima á víxlum og sértryggðum
skuldabréfum hefur áfram gengið vel og er mikilvægur hluti af fjármögnun
bankans."
Fundur með markaðsaðilum
Arion banki mun halda símafund á ensku fyrir markaðsaðila, föstudaginn 12. maí,
klukkan 13:00. Á fundinum mun Stefán Pétursson, fjármálastjóri Arion banka,
fara yfir helstu atriði í uppgjöri bankans. Áhugasamir geta sent tölvupóst á
ir@arionbanki.is og fá í kjölfarið sendar nánari upplýsingar varðandi þátttöku
á símafundinum.
Nánari upplýsingar veitir Haraldur Guðni Eiðsson, samskiptasviði Arion banka,
haraldur.eidsson@arionbanki.is, s: 856 7108.
© 2024 Nasdaq, Inc. All Rights Reserved |