|
|||
2014-01-24 09:24:30 CET 2014-01-24 09:25:31 CET REGULATED INFORMATION Marel hf. - FyrirtækjafréttirMarel uppfærir áætlanir um afkomu á fjórða ársfjórðungi 2013Samkvæmt bráðabirgðareikningum Marel hf. fyrir fjórða ársfjórðung 2013 eru tekjur ársfjórðungsins í samræmi við útgefnar væntingar félagsins með fráviki í EBIT framlegð. Áætlað er að tekjur fjórða ársfjórðungs 2013 muni nema 168 milljónum evra og að EBIT framlegð nemi 4,4%. Frávik í áætlaðri EBIT framlegð félagsins í ársfjórðungnum er að mestu tilkomið vegna kostnaðar tengdum stjórnendabreytingum, hagræðingar í birgðastýringu og niðurfærslu á birgðum. Handbært fé frá rekstri var óvenju sterkt í ársfjórðungnum og pantanabók félagsins hefur hækkað lítillega frá því í ársbyrjun 2013. Marel hf. mun birta ársreikning sinn fyrir árið 2013 eftir lokun markaðar þann 5. febrúar 2014. Þann 6. febrúar verður kynningarfundur með markaðsaðilum og fjárfestum þar sem rekstrarniðurstaða félagsins verður kynnt . Á fundinum verður einnig gerð grein fyrir framtíðarhorfum félagsins og næstu skrefum varðandi aðlögun framkvæmdar á stefnu félagsins í átt að framtíðarmarkmiðum þess. |
|||
|