Eyrir Invest ehf. - Fyrirtækjafréttir

- Yfirtökutilboði London Acqusition B.V. í hlutafé Stork N.V. tilkynnt skuldbindandi

•  Yfirtökutilboð London Acqusition B.V., sem er eignarhaldsfélag undir stjórn
   sjóða sem stýrt er af eða tengjast Candover, Eyri Invest og Landsbanka
   Íslands til hluthafa í hollenska félaginu Stork N.V. rann út mánudaginn 14.
   janúar 2008 og var samþykkt af 98% hluthafa.  Þau skilyrði sem London
   Acquisiton B.V. setti fram í yfirtökutilboði sínu hafa verið uppfyllt og er
   tilboðið hér með lýst óskilyrt af hálfu tilboðsgjafa.  Félagið lagði fram
   vinveitt yfirtökutilboð upp á 48,40 evrur á hlut í Stork N.V., en það svarar
   til um 1,7   milljarða evra heildarkaupverðs. 

•  Fjármögnun vegna kaupanna er að fullu tryggð en kaupin verða fjármögnuð með
   hlutafé og langtímalánum. Uppgjör viðskipta verður 22. janúar 2008. 

•  Eyrir Invest ehf. fjárfestir fyrir 103,75 milljónir evra í London Acquisition
   B.V., sem svarar til rétt innan við 15% eignarhlutar í félaginu. 

•  LME eignarhaldsfélag ehf. (LME) hefur í gegnum dótturfélag selt öll hlutabréf
   sín í Stork N.V. á genginu 48,40. LME á um 43% hlutafjár í Stork N.V. og er
   verðmæti eignarhlutarins því um 659 milljónir evra. Eyrir Invest ehf. á 40% í
   LME. 

•  Stork N.V. hefur selt Stork Food Systems til Marel Food Systems fyrir 415
   milljónir Evra sem var háð því skilyrði að yfirtökutilboð í Stork gengi í
   gegn. Önnur skilyrði eru umsögn Stork Works Council og heimild
   samkeppnisyfirvalda. Gert er ráð fyrir að niðurstaða liggi fyrir um miðjan
   mars 2008. 

•  Fyrirtækjaráðgjöf Landsbanka Íslands og lögfræðifyrirtækið Allen & Overy í
   Amsterdam voru ráðgjafar Eyris Invest í viðskiptunum.  Goldman Sachs og
   Clifford Change voru aðalráðgjafar London Acquisition B.V.