Bakkavör Group hf. - Ársreikningur

- Afkoma Bakkavör Group árið 2007

Reykjavík, 31. janúar 2008


Afkoma Bakkavör Group árið 2007:

Rekstrarhagnaður 13,7 milljarðar króna

•  Velta 186,4 ma.kr. (1,5 ma.punda) á árinu, 21% aukning, og 46,3 ma.kr.
   (372,3 m.punda) á fjórða ársfjórðungi, 13% aukning 

•  Vöxtur í undirliggjandi rekstri 6,3% á árinu 

•  EBITDA 18,5 ma.kr. (149,0 m.punda) á árinu, 1% aukning, og 4,2 ma.kr. (33,4
   m.punda) á fjórða ársfjórðungi, 15% lækkun 

•  EBITDA hlutfall 10,1% á árinu og 9,0% á fjórða ársfjórðungi

•  Rekstrarhagnaður (EBIT) 13,7 ma.kr. (110,0 m.punda) á árinu, 3% lækkun, og
   2,9 ma.kr. (23,1 m.punda) á fjórða ársfjórðungi, 25% lækkun 

•  Rekstrarhagnaður af starfsemi á meginlandi Evópu jókst um 128% og nam 398
   m.kr. (3,2 m.punda) 

•  Sjóðstreymi var áfram sterkt og nam handbært fé frá rekstri fyrir skatta og
   vexti 17,1 ma.kr. (137,8 m.punda) á árinu 2007, þrátt fyrir 17% lækkun
 
•  Hagnaður hluthafa af áframhaldandi starfsemi 5,8 ma.kr. (46,7 m.punda) á
   árinu 2007, 8% lækkun, og 1,3 ma.kr. (10,3 m.punda) á fjórða ársfjórðungi,
35% 
   lækkun 

•  Arðsemi eigin fjár 18,2% samanborið við 37% árið 2007

•  Hagnaður á hlut af áframhaldandi starfsemi 2,2 pens á árinu, lækkun 15%

•  Félagið styrkti stöðu sína á alþjóðavettvangi með kaupum á fimm fyrirtækjum
   á árinu í Bretlandi, Tékklandi, Frakklandi og Kína 

•  Tillaga stjórnar um arðgreiðslu fyrir árið 2007 er 0,55 krónur á hlut eða
   55% af útgefnu hlutafé, 10% aukning 


Kaup á tveimur fyrirtækjum á fyrsta ársfjórðungi 2008:

•  Í dag tilkynnti Bakkavör upphaf starfsemi félagsins í Bandaríkjunum með
   kaupum á matvælaframleiðanda í Kaliforníu, auk þess sem félagið tilkynnti um
   kaup á grænmetisframleiðanda í Kína 


Ágúst Guðmundsson, forstjóri, sagði:

„Á árinu 2007 stóðum við frammi fyrir erfiðustu rekstrarskilyrðum í áratugi,
auk þess sem ýmsir aðrir þættir höfðu neikvæð áhrif á afkomu félagsins á árinu.
Þar ber helst að nefna vöruinnköllun í byrjun árs, snarpar hækkanir á
hráefnisverði, afleitt veðurfar í Bretlandi og hagræðingu í framleiðslu okkar á
tilbúnum réttum. Þrátt fyrir þetta styrktum við stöðu félagsins á
alþjóðavettvangi með kaupum á fimm fyrirtækjum á árinu. 

Þá er ánægjulegt að greina frá kaupum á tveimur fyrirtækjum til viðbótar sem
tilkynnt voru í dag - annars vegar kaup á matvælaframleiðanda í Kaliforníu sem
marka upphaf starfsemi okkar í Bandaríkjunum og hins vegar kaup á
grænmetisframleiðanda í Kína. Við gerum ráð fyrir því að aðstæður verði áfram
krefjandi á árinu 2008, en undirstöður rekstrar Bakkavarar eru traustar,
sjóðstreymi sterkt og markaðsstaða góð og er félagið því vel í stakk búið til
þess að takast á við krefjandi aðstæður og einbeita sér að frekari uppbyggingu
á vaxandi mörkuðum fyrir fersk tilbúin matvæli út um allan heim.“ 
 
Frekari upplýsingar veita:

Ágúst Guðmundsson, forstjóri
Sími: +354 550 9700

Hildur Árnadóttir, framkvæmdastjóri fjármálasviðs
Sími: +354 858 9706

Ásdís Pétursdóttir, fjárfestatengsl
Sími: +354 858 9715

Attachments:

q4-07 statements.pdf

bakk q4 2007 frettatilkynning.pdf