|
|||
2008-10-17 11:52:19 CEST 2008-10-17 11:53:19 CEST REGULATED INFORMATION Marel Food Systems hf. - FyrirtækjafréttirMarel Food Systems lýkur vel heppnuðu lokuðu hlutafjárútboðiHlutafjárboði Marel Food Systems hf. lauk fimmtudaginn 16. október 2008. Alls bárust tilboð að nafnvirði kr. 20.074.615 á genginu kr. 70, að andvirði kr. 1.405.223.050 (um 10 milljónir evra), sem jafngildir 3,58% af heildarhlutafé félagsins. Stjórn félagsins ákvað að taka öllum tilboðum sem voru að stærstum hluta frá lífeyrissjóðum. Tilgangur útboðsins var að styrkja fjárhag félagsins enn frekar og auka viðskipti með hlutabréf þess. Marel Food Systems er í hópi stærstu útflutningsfyrirtækja Íslands. Áætluð próforma velta ársins 2008 af kjarnastarfsemi samstæðunnar er um 650 milljónir evra og rekstrarhagnaður um 9% af veltu. Efnahagur félagsins er traustur. Eiginfjárhlutfall þess er sterkt og meðallíftími skulda er um fimm ár. Í kjölfar tímabils öflugs ytri vaxtar er nú áhersla lögð á innri vöxt og aukna arðsemi í rekstri félagsins. Hörður Arnarson, forstjóri Marel Food Systems, lýsti yfir ánægju með góðar undirtektir fagfjárfesta í útboðinu. „Marel Food Systems er þakklátt fjárfestum fyrir þann stuðning sem þeir hafa sýnt félaginu með þátttöku sinni í útboði þessu sem og í fyrri útboðum. Vart þarf að taka fram að skilyrði á fjármálamarkaði eru afar óvenjuleg.“ |
|||
|